ҺАВА ТОРЫШЫ +22 oC

Яңалыклар

барлык хәбәрләр Татарстан Россия
МӨҺим
Кемерово өлкәсе Сабан туенда милли костюм һәм милли утарлар бәйгесе узачак
КФУ эксперты Татарстанга яхшы һава торышының кайчан әйләнеп кайтачагы турында сөйләде
Дәүләт федераль статистика хезмәте бензин бәясенең төшүен әйтте
Бүген Татарстанда өч никахка ике аерылышу туры килә
Дөнья чемпионаты мәйданнарындагы газон мәктәп һәм скверларга күчәчәк

Хәвеф-хәтәр

Алабуга кешеләрен егерме ел чамасы куркытып торган ир-атны хөкем иттеләр

13 март 2018, 11:50

Суд аны Җинаять кодексының берьюлы алты маддәсе буенча гаепле, дип тапты.

(Казан, 13 март, «Татар-информ»). Алабугада яшәүчеләрне егерме елга якын куркытып торган 41 яшьлек ир-атны хөкем иттеләр. Бу хакта «Татар-информ» агентлыгына Татарстан прокурорының өлкән ярдәмчесе Руслан Галиев хәбәр итте.

Суд ачыклаганча, беренче җинаятен ир-ат 1998 елда ук кылган. Үзенең иптәше белән кредитор хатын-кызны Алабугадагы «Шайтан каласы» территориясенә алдап алып кереп, бик каты кыйнаганнар. Шуннан соң, аңын югалткан хатын-кызны машинага утыртып, текә ярдан төшереп җибәргәннәр. Моны шул тирәдән үтеп баручылар күреп, ашыгыч ярдәм чакырткан. Әмма табиблар хатын-кызның гомерен саклап кала алмаган.

Бераз соңрак, шул ук елның декабрендә, җинаятьне яшерү максатыннан, гаепләнүче үзе белән бергә җинаять кылган иптәшен дә «теге дөнья»га озаткан. Ир-атның муенын борып, Менделеевск районында машинага утыртып, текә ярдан төшереп җибәргән.

Моннан тыш, җинаятьче Алабугада яшәүчеләрнең күчемсез милкен куркытып алган һәм берәүнең фатирын үзләштергән.

Ир-атны узган елның февралендә кулга алганнар. Аңа Россия  Җинаять кодексының берьюлы алты маддәсе буенча гаепләү белдерелгән.

Ир-ат үз гаебен танымаган.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10