ҺАВА ТОРЫШЫ -4 oC

Яңалыклар

барлык хәбәрләр Татарстан Россия

Җәмгыять

Олег Табаковны соңгы юлга озату чарасы Чехов исемендәге Мәскәү сәнгать театрында була

12 март 2018, 20:08

Театрның матбугат атташесе Мария Малкина җирләү көне соңрак билгеле булачагын җиткерде.

(Казан, 12 март, “Татар-информ”). СССР халык артисты, Чехов исемендәге Мәскәү сәнгать театрының сәнгать җитәкчесе булган Олег Табаковны соңгы юлга озату чарасы Чехов исемендәге Мәскәү сәнгать театрында була. Бу хакта ТАСС хәбәр итә.

Театрның матбугат атташесе Мария Малкина җирләү көне соңрак билгеле булачагын өстәп әйткән. Театрда әлегә өч көн дәвамында спектакльләр булмаячак.

1987 елда Табаков “Табакерка” театрына нигез салган. 2000нче елда ул Мәскәү сәнгать театры сәнгать җитәкчесе була. 2004 елдан театр директоры вазифаларын башкарган.

Артист бүген 83нче яшендә вафат булган. Россия Президенты Владимир Путин Олег Табаков вафат булу сәбәпле, кайгы уртаклашкан.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10