ҺАВА ТОРЫШЫ +22 oC

Яңалыклар

барлык хәбәрләр Татарстан Россия
МӨҺим
Кемерово өлкәсе Сабан туенда милли костюм һәм милли утарлар бәйгесе узачак
КФУ эксперты Татарстанга яхшы һава торышының кайчан әйләнеп кайтачагы турында сөйләде
Дәүләт федераль статистика хезмәте бензин бәясенең төшүен әйтте
Бүген Татарстанда өч никахка ике аерылышу туры килә
Дөнья чемпионаты мәйданнарындагы газон мәктәп һәм скверларга күчәчәк

Татар дөньясы

"Самара татарлары" журналы 5 еллык тәүге юбилеен бәйрәм итә

10 март 2018, 09:50

Самара татарлары Россия төбәкләрендә беренчеләрдән булып, милли тормышка багышланган даими журнал чыгара башлаучылар.

(Казан, 10 март, "Татар-информ"). “Самара татарлары” журналына 5 ел тулды. Бүген, 10 мартта, Самара каласында юбилей уңаеннан бәйрәм чарасы оештырыла, дип хәбәр итә өлкә татарларының “Бердәмлек” газетасы.

“Самара татарлары” журналы өлкәнең “Туган тел” оешмасы президенты, икътисад фәннәре докторы Ильяс Шәкүров һәм басманың баш мөхәррире Данияр Сәйфиев тырышлыгы белән нәшер ителә. Заманында аларның һәркайсы Самарада йә телеканал, йә татар радиосы ачу идеясе белән янган. Нәтиҗәдә, журнал оештырырга карар кылына.

Журналның беренче саны 2013 елның гыйнварында дөнья күрә. Ул Россиядә, БДБ илләрендә татар оешмалары булган барлык төбәкләргә таратыла. Анда материалларны, нигездә, өлкәдәге татар газеталары журналистлары яза. Хәзерге вакытка аның 18 саны чыкты.

Юбилей кичәсе шәһәрнең “Заря” мәдәният йортында узачак.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10