ҺАВА ТОРЫШЫ -5 oC

Яңалыклар

барлык хәбәрләр Татарстан Россия
×

Хәвеф-хәтәр

Әгерҗе районында 43 яшьлек ир-ат янып үлгән

9 март 2018, 11:31

63 яшьлек хатын-кызны коткарганнар.

 (Казан, 9 март, "Татар-информ). Татарстанда 43 яшьлек ир-ат янып үлгән, дип хәбәр иттеләр "Татар-информ"га Россия Гадәттән тыш хәлләр министрлыгының ТР буенча дәүләт идарәсенең матбугат хезмәтендә.

Янгын турындагы хәбәр 112 номерына килеп ирешә. Шаһитлар Әгерҗе районының Красный Бор авылында кечкенә бура йорт һәм сарай януы турында хәбәр итә. 

Янгын сүндерүчеләр уттан 63 яшьлек хатын-кызны коткара, аның бите, куллары һәм тын юллары пешкән. "Ашыгыч ярдәм" хезмәткәрләре аны Чаллы хастаханәсенә илткән.

Янган йортны сүткәндә, янгын сүндерүчеләр 43 яшьлек ир-ат мәетенә тап булган. 

Янгын, якынча фараз буенча, ут белән сак эш итмәү аркасында чыккан. Янгынның гомуми мәйданы 49 квадрат метр тәшкил иткән.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10