ҺАВА ТОРЫШЫ +6 oC

Яңалыклар

барлык хәбәрләр Татарстан Россия

Җәмгыять

Казан почтасында Кытайдан килгән контрафакт дарулар табылган

6 март 2018, 12:11

Татарстан таможнясы хезмәткәрләре даруларны кире озаткан.

(Казан, 6 март, «Татар-информ»). Казан почтасында Кытайдан килгән контрафакт дарулар табылган, дип хәбәр иттеләр «Татар-информ» агентлыгына Татарстан таможнясы матбугат хезмәтеннән.

Казанның почта таможня посты хезмәткәрләре тикшергәндә, контрафакт дару препаратлары салынган өч посылкага табылган.

Мең ярымнан артык таблеткага танылган товар билгеләре ябыштырылган булган. Таможня хезмәткәрләре әлеге «табылдык» хакында җитештерүче компанияләргә хәбәр иткән. Тегеләре, үз чиратында, Татарстан таможнясына контрафактны җитештерүчеләргә кире кайтару турында мөрәҗәгать иткән.

Ялган таблеткалар салынган посылкаларны яңадан Кытайга озатканнар. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10