ҺАВА ТОРЫШЫ -13 oC

Яңалыклар

барлык хәбәрләр Татарстан Россия

Җәмгыять

2017 елда Татарстанда суд приставлары 99 мең кешене чит илгә чыгармаган

6 март 2018, 11:04

2017 елда Татарстанда суд приставлары 99 мең кешене чит илгә чыгармаган Бу 2016 елга караганда 10 меңгә күбрәк.

(Казан, 6 март, «Татар-информ», Елена Кривопатре). 2017 елда Татарстанда 99 меңнән артык кеше чит илгә чыга алмаган. Бу 2016 елга караганда 10 меңгә күбрәк. Бүген республиканың баш суд приставы вазифаларын башкаручы Игорь Безуевский Федераль суд приставлары хезмәте Татарстан буенча идарәсенең йомгаклау коллегиясендә шул хакта хәбәр итте.

«2017 елда консолидацияләнгән бюджетка 4 миллиард сум акча күчерелде. 2016 ел белән чагыштырганда, аның күләме 400 мең сумга артты. Татарстан бюджетына 2,5 миллиард сум күчерелде. Бу 2016 елга караганда, 220 миллион сумга күбрәк», - диде Безуевский.

Бурычлылардан 158 миллион сум түләттерелгән. Шуның 89 миллионы – административ штрафлар, 53 миллионы – алимент түләүләре. Законны бозып, кемгәдер мораль яки матди зыян китергән татарстанлылардан 15 миллион сум акча түләттерелгән.

Моннан тыш, бурычлы гражданнарның хокукларын да чикләгәннәр – чит илгә чыгарга рөхсәт бирмәгәннәр, машина йөртү хокукыннан мәхрүм иткәннәр. Мисал өчен, 2017 елда 99 меңнән артык кеше чит илгә чыга алмаган. Бу 2016 елга караганда, 10 меңгә күбрәк. Шуның нәтиҗәсендә 3,2 миллиард сум әҗәт кайтарылган.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10