ҺАВА ТОРЫШЫ +23 oC

Яңалыклар

барлык хәбәрләр Татарстан Россия

Татар дөньясы

Әстерхан өлкәсенең «Татар кызы 2018» исеменә Ләйлә Мусаева лаек булды

4 март 2018, 14:18 , Фото: tatar-congress.org

Әстерхан өлкәсенең «Татар кызы 2018» исеменә Ләйлә Мусаева лаек булды Әстерханда узган “Татар кызы” төбәк финалына сигез кыз узган.

(Казан, 4 март, "Татар-информ"). Бүген Татарстан Республикасы Премьер–министры урынбасары, Бөтендөнья татар конгрессының Милли Шура рәисе Васил Шәйхразиев Әстерханга эшлекле сәфәре кысаларында “Татар кызы” бәйгесенең төбәк этабы финалында катнашты. Бу хакта Бөтендөнья татар конгрессы хәбәр итә.

Әстерханда узган “Татар кызы” төбәк финалына 8 кыз – Салякова Лилия, Смирнова Наилә, Крикун Олеся, Габиева Фәимә, Яппарова Фаина, салиева Карина, Мусаева Ләйлә, Аубәкерова Гүзәл узган. Аларның һәркайсы халкыбызга хас асыл сыйфатларны чагылдырырга, төрле бәйгеләрдә уңган-булганлыгын, зирәклеген күрсәтергә, телебезгә-тарихыбызга мәхәббәтен расларга тырышты.

Бу бәйгене оештыручыларга рәхмәтемне белдерәсем килә. Бу зур эш, моның мәшәкатьләре бик күп. Сайлау да җиңел түгел. Монда 8 берсеннән-берсе матур кыз. Кемнедер аерып үтү дә кыен , — дип билгеләде Васил Шәйхразиев.

Быел Әстерхан өлкәсенең “Татар кызы -2018” бәйгесенең җиңүчесе дип Ләйлә Мусаева табылды. Ул Әстерхан өлкәсенең Нариман районы, Яңа-Күчергановка авылыннан. Кызның башына таҗ киертелде, диплом һәм бүләкләр тапшырылды.

Васил Шәйхразиев исә “Татар телен иң яхшы белүче” номинациясендәге җиңүчене бүләкләде. Бу исемгә Әстерханда яшәүче Фәимә Габиева лаек дип табылган. Кызның ата-бабалары Җәмәле авылыннан. Конгресс исеменнән Милли Шура рәисе Фәимә Габиевага диплом һәм бүләккә планшет тапшырды.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10