ҺАВА ТОРЫШЫ -5 oC

Яңалыклар

барлык хәбәрләр Татарстан Россия

Фән һәм мәгариф

Татарстанда мәгариф һәм фән министры урынбасары итеп Станислав Андреев билгеләнде

1 март 2018, 15:47 , Фото: tatarstan.ru

Татарстанда мәгариф һәм фән министры урынбасары итеп Станислав Андреев билгеләнде  Яңа урынбасар моңа кадәр КНИТУ-КХТИда укыту эшчәнлеге белән шөгыльләнгән.

(Казан, 1 март, “Татар-информ”, Надежда Гордеева). Татарстанның мәгариф һәм фән министры урынбасары итеп Станислав Андреев билгеләнде. Бу хакта “Татар-информ” корреспондентына Татарстан Мәгариф һәм фән министрлыгы матбугат хезмәтендә хәбәр иттеләр.

Станислав Андреев Казанда 1975 елның 10 июнендә туган. 1997 елда В. И. Ульянов-Ленин исемендәге Казан дәүләт университетын тәмамлаган (менеджмент, менеджер). 2014 елда М. В. Ломоносов исемендәге Мәскәү дәүләт университетында һөнәри әзерлек (идарә кадрлары резервын база дәрәҗәсендә әзерләү программасы) уза.

Төрле елларда Татарстан Икътисад һәм сәнәгать министрлыгы гомуми бүлегендә әйдәп баручы белгеч, Казан шәһәре башкарма комитеты җитәкчесе киңәшчесе, Татарстан Яшьләр эшләре һәм спорт министрлыгының физкультура-сәламәтләндерү бүлеге җитәкчесе вазифаларын башкара. 2013 – 2016 елларда КНИТУ-КХТИда укыту эшчәнлеге белән шөгыльләнгән.

2018 елның 26 февраленнән Татарстанның мәгариф һәм фән министры урынбасары.

“Татар-информ” Татарстанның мәгариф һәм фән министры урынбасары Тимерхан Алишев үз теләге белән вазифасыннан 25 гыйнварда китүе турында хәбәр иткән иде.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10