ҺАВА ТОРЫШЫ +6 oC

Яңалыклар

барлык хәбәрләр Татарстан Россия

Татар дөньясы

Татарча җанлы музыка бәйгесе игълан ителде

28 февраль 2018, 10:02

Татарча җанлы музыка бәйгесе игълан ителде Җиңүчеләр “Мин татарча сөйләшәм” акциясендә чыгыш ясаячак, ди проект авторлары.

(Казан,28 февраль, “Татар-информ”). Бөтендөнья татар яшьләре форумы һәм Yummy Music лейблы "Мин татарча сөйләшәм" акциясенә әзерләнү уңаеннан тере музыка бәйгесен игълан итте. Бу хакта “Татар-информ” мәгълүмат агентлыгына Бөтендөнья татар яшьләре форумының матбугат хезмәте хәбәр итә.

Бәйге 21 мартка кадәр дәвам итәчәк. Яшь музыкантларга ике төрле катнашу ысулы тәкъдим ителә:

1. Берүзе яки төркем белән тере аккомпанементка җырлар башкаручылар үз чыгышларын видеога төшереп җибәрә ала. Җырны телефон камерасына да яздырырга мөмкин. “Минус”ка яздырган чыгышлар кабул ителми.

2. Рэп жанрында башкаручылар үзләренең иң уңышлы җырын Яндекс яки Гуглга йөкләп, шулай ук бәйге оештыручыларына җибәрә ала. Гаризалар 21 мартка кадәр кабул ителә. 22 март көнне махсус жюри 10 иң шәп башкаручыны билгелиячәк. Алар “Мин татарча сөйләшәм” концертларында катнашу мөмкинлегенә ия булачак.

Сайлап алынган 10 музыкаль материал 22 март көнне “Вконтакте” челтәрендәге “Мин татарча сөйләшәм” төркемендә эленәчәк, алар өчен тавыш бирү 30 мартка кадәр дәвам итәчәк. Иң күп тавыш җыйган башкаручылар 26 апрель көнне Бауман урамындагы “Мин татарча сөйләшәм” концертында чыгыш ясаячак. Гариза тутыру өчен сылтама: https://goo.gl/6KdP4M “Мин татарча сөйләшәм” акциясе төркеме: https://vk.com/mintatsoy
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10