ҺАВА ТОРЫШЫ +2 oC

Яңалыклар

барлык хәбәрләр Татарстан Россия

Җәмгыять

Татарстанда 248 мең гаилә “ана капиталы”на ия булган

26 февраль 2018, 11:12 , Фото: Султан Исхаков

Татарстанда 248 мең гаилә “ана капиталы”на ия булган Татарстан гаиләләренә дәүләттән барлыгы 70 млрд сумлык сертификат тапшырылган.

(Казан, 26 февраль, “Татар-информ”, Гөлнар Гарифуллина). “Ана капиталы” программасы гамәлгә кертелгәннән бирле, Татарстанда 248 мең гаилә шушы мөмкинлектән файдаланган. Бу хакта бүген “Татар-информ” агентлыгында узган матбугат конференциясендә Россия Пенсия фондының Татарстан Республикасы буенча бүлеге идарәчесе урынбасары Асия Вәлиуллина хәбәр итте.

Ул Россия Федерациясендә программаның 2007 елдан бирле гамәлдә булганын искәртте. “Якын арада 250 меңенче сертификатны тапшырырбыз дип көтәбез. Бу әһәмиятле вакыйга, аны тантаналы рәвештә тапшырырга ниятлибез”, - диде ул.

Асия Вәлиуллина “ана капиталы” программасы буенча Татарстан гаиләләренең дәүләттән 70 млрд сумнан артык акча алганын билгеләп узды. Күпчелек өлеше аны торак шартларын яхшыртуга сарыф иткән. Алар “ана капиталы”на хокуклы барлык гаиләләрнең 80 процентын тәшкил итә. Асия Вәлиуллина, шулай ук, акчаны мәктәпкәчә белем бирү өчен куллану да популяр булуын әйтте. Ә кайбер аналар үзенең киләчәк пенсиясенең тупланма өлешенә күчерергә уйлаган.

Быел “ана капиталы” суммасы 453 мең 26 сум тәшкил итә. Программаның 2021 елның 31 декабренә кадәр озайтылганын искәртик.

 

 

 

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10