ҺАВА ТОРЫШЫ -10 oC

Яңалыклар

барлык хәбәрләр Татарстан Россия

Мәдәният

Төмәндә татар мәдәнияте көннәрендә талантлар ачыкланды

25 февраль 2018, 11:15 , Фото: t-l.ru/

Төмәндә татар мәдәнияте көннәрендә талантлар ачыкланды 
 Төмән өлкәсендә төрки телле халыкларның “Иртәнге йолдыз” балалар бәйгесе, “Халык сәнгате” һәм “Уйнагыз, гармуннар” фестивале узды.

(Казан, 25 февраль, “Татар-информ”). Төмән районында төрки телле халыкларның “Иртәнге йолдыз” балалар бәйгесе, “Халык сәнгате” һәм “Уйнагыз, гармуннар” фестивале узды. Бу хакта "Тюменская линия" мәгълүмат агентлыгы хәбәр итә. 

Төмәндә татар мәдәнияте көннәрендә ике атна дәвамында концертлар бара. Иҗат коллективлары татар халкы йолаларын саклап, чыгышлары белән сөендерә. Төрле номинацияләрдә алар бер-берсе белән ярыша.

Татар мәдәнияте көннәрендә абсолют җиңүче булып Каскарин һәм Янтык муниципаль берләшмәсе танылды. Аларда иң күп санлы катнашучы – 120 кешеле булган.

Бәйгеләрдә төрле номинацияләрдә барлыгы 9 муниципаль берләшмәдән 370 кеше катнашты, дип хәбәр итә "Комсомольская правда - Тюмень" басмасы.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10