ҺАВА ТОРЫШЫ +13 oC

Яңалыклар

барлык хәбәрләр Татарстан Россия
МӨҺим
"Татар кызы-2018" республика сайлап алу турының җиңүчесе билгеле
Рөстәм Миңнеханов һәм Джанни Инфантино Казанда Испания - Иран матчын карый
Иртәгә Казанда яңгыр һәм көчле җил көтелә
2018 елгы Дөнья чемпионаты көннәрендә шәһәр яны поездларының маршруты үзгәрә
20 июньнең төп вакыйгалары - фото һәм сылтамалар

Спорт

Балтачта Алмаз Нотфуллин истәлегенә багышланган татарча көрәш ярышлары узды

24 февраль 2018, 03:00 , Фото: baltaci.ru

Балтачта Алмаз Нотфуллин истәлегенә багышланган татарча көрәш ярышлары узды Яӊгул көрәшчеләре җиңүне үз кулларыннан җибәрмәделәр.

(Балтач, 24 февраль, "Татар-информ", "Хезмәт"). Балтачның «Хыял» яшьләр үзәгендә 2000 елда һәм аннан соӊгы елларда туган укучы балалар арасында Алмаз Нотфуллин истәлегенә багышланган татарча көрәш ярышлары булып узды, дип яза җирле басма.

Бәйгене башлап җибәргәндә район башлыгы Рамил Нотфуллин яшь көрәшчеләргә фатиха биреп, җәрәхәтләр алмыйча, матур алымнар күрсәтеп, бәйрәм алдыннан егетлекләрен күрсәтергә чакырган иде. Теләкләр кабул булды, тамашачы матур алымнар да, җиӊүгә омтылыш булганда аӊа ирешергә мөмкин булуын да үз күзләре белән күрде. Командалар арасында беренчелекне бу елда да Яӊгул көрәшчеләре үз кулларыннан җибәрмәделәр. Ел саен осталыкларын арттыра барып, лидерлар сафына баскан Смәел командасы икенче урында, ә Чепья командасы өченчедә булды.

Җиӊүчеләр арасында бәйгенеӊ баш батыры өчен махсус призга Салавыч авылы егете Нурвил Дәминов лаек булды. Кискен көрәштә, үзеннән авырырак булган Инсаф Рафиковтан өстен чыгып, ул үзенеӊ чын батыр икәнен раслады. Иӊ матур көрәш алымнары күрсәткән өчен Фәнис Шәрипов куйган махсус бүләкләргә дә хуҗалар табылды.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10