ҺАВА ТОРЫШЫ +17 oC

Яңалыклар

барлык хәбәрләр Татарстан Россия
МӨҺим
Дөнья чемпионатында Россия җыелмасы Мисыр командасын җиңде
Казандагы ФИФА җанатарлары фестивале мәйданы Россия-Мисыр матчын караучылар белән тулды
Төрекмәнстанда күпхатынлылыкны тыялар
Аккош күлендә Сабан туе милли көйләр һәм футболны берләштерәчәк
Татар чыгышлы язучы Сана Вәлиуллина "Ясная поляна" әдәби конкурсы номинанты булды

Хәвеф-хәтәр

Йөк машинасы һәм автобус бәрелешеп, алты кеше һәлак булган

23 февраль 2018, 17:26 , Фото: zakon-kuzbass.ru

Йөк машинасы һәм автобус бәрелешеп, алты кеше һәлак булган    Узган төндә Кузбаста 52 кеше утырган автобус коточкыч һәлакәткә очраган.

(Казан, 23 февраль, “Татар-информ”). Кузбаста зур йөк машинасы һәм автобус бәрелешеп, алты кешенең гомере өзелгән. Бу хакта РИА “Новости” хәбәр итә.

Юл һәлакәте Кемерово өлкәсенең Чебулинск районында, җирле вакыт белән төнге берләр тирәсендә булган. “Хайгер” пассажир автобусы Красноярскидан Шерегеш тау чаңгысы курортына юл тоткан. Билгеле бер вакытта арткы өлеше тайгаклап, автобус каршы як полосага очып чыккан. Анда ул Самара номерлары куелган “Вольво” йөк машинасына бәрелгән.

Бәрелешкәннән соң, фура һәм автобус юлның ике ягына ауган. Ике транспорт чарасына да җитди зыян килгән.

Автобуста бу вакытта 52 кеше барган. Юл-транспорт һәлакәте нәтиҗәсендә алты кеше һәлак булган. Аларның бишесе автобус пассажирлары һәм берсе фура йөртүчесе. Тагын 14 кеше төрле җәрәхәтләр белән хастаханәгә озатылган.

Хәзерге вакытта һәлакәт турында мәгълүмат ачыклана, җинаять эше кузгату хәл ителә.

Кузбастагы һәлакәттән соң,  Россия Гадәттән тыш хәлләр министрлыгы Красноярск крае буенча  кайнар элемтә ачты: 8 391 275 16 17.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10