ҺАВА ТОРЫШЫ +13 oC

Яңалыклар

барлык хәбәрләр Татарстан Россия
МӨҺим
"Татар кызы-2018" республика сайлап алу турының җиңүчесе билгеле
Рөстәм Миңнеханов һәм Джанни Инфантино Казанда Испания - Иран матчын карый
Иртәгә Казанда яңгыр һәм көчле җил көтелә
2018 елгы Дөнья чемпионаты көннәрендә шәһәр яны поездларының маршруты үзгәрә
20 июньнең төп вакыйгалары - фото һәм сылтамалар

Мәдәният

Рөстәм Миңнеханов Бакый Урманче музее экспозициясен киңәйтергә тәкъдим итте

23 февраль 2018, 15:20 , Фото: president.tatarstan.ru

Рөстәм Миңнеханов Бакый Урманче музее экспозициясен киңәйтергә тәкъдим итте  Президент өчен күргәзмә буенча экскурсияне Татарстан Сынлы сәнгать музее директоры Розалия Нургалиева үткәрде.

(Казан, 23 февраль, “Татар-информ”). Бүген Татарстан Президенты Рөстәм Миңнеханов “Хәзинә” милли галереясында Бакый Урманче картиналары һәм сыннары күргәзмәсендә булды. Ул биредә музей экспозициясен киңәйтергә тәкъдим итте. Бу хакта Татарстан Президентының матбугат хезмәте хәбәр итә.

Объезд музеев г.Казани

Татарстан Президенты Татарстан Мәдәният министрлыгына Казан шәһәре башкарма комитеты белән берлектә Бакый Урманче иҗади мирасын өйрәнүдә, экспозицияләүдә һәм саклауда тәкъдимнәр кертергә кушты. Бирегә рәссамның гаилә архивы материаллары да керә.

Объезд музеев г.Казани

Президент өчен күргәзмә буенча экскурсияне Татарстан Сынлы сәнгать музее директоры Розалия Нургалиева үткәрде. Музей директоры күргәзмәнең 2017 елда Бакый Урманченың 120 еллыгына (1897 елның 23 февралендә туган) әзерләнгән булуын әйтте.

Объезд музеев г.Казани

Картиналар һәм экспонатлар Татарстан Сынлы сәнгать музееннан, Әлмәт Картиналар галереясыннан, шулай ук Мәскәүдәге һәм Казандагы шәхси галереялардан җыелган.

Күргәзмәне караганда, коллекцияне Бакый Урманченың шәхси җыелмалардагы эшләре белән тулыландыру мәсьәләсе кузгатылды. Рәссамның эшләре ел саен республикадан читкә күбрәк китүе, шәхси коллекцияләрдә кала баруы искәртелде.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10