ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Фән һәм мәгариф

2018 елда бердәм дәүләт имтиханын тапшыруда яңалык кертелә

22 февраль 2018, 18:35

2018 елда бердәм дәүләт имтиханын тапшыруда яңалык кертелә  Контроль-тикшерү материаллары аудиториядә - дәүләт имтиханын тапшыручылар алдында кәгазьгә бастырылачак.

(Казан, 22 февраль, “Татар-информ”, Надежда Гордеева). Быел бердәм дәүләт имтиханын тапшыруда яңалык кертелә. Контроль-тикшерү материаллары аудиториядә - дәүләт имтиханын тапшыручылар алдында бастырылачак. Имтихан тапшырыла торган пунктның һәркайсында урнашкан штабта эшләр сканердан чыгарыла.

Бу хакта бүген журналистларга “Ата-аналарның бердәм БДИ тапшыру көне” Бөтенроссия акциясен уздыру вакытында 8нче Казан гимназиясендә Татарстан Мәгариф һәм фән министрлыгының Белем өлкәсендә күзәтчелек һәм контроль департаменты җитәкчесе Гөлнара Габдрахманова җиткерде.

Имтихан тапшыру пунктларында материалларның тулы комплектын бастыру технологиясен кулланып һәм җавап бланкларын электрон төргә күчереп, БДИны үткәрү апробациясе Россия субъектларында 2 февральдә узды. Контроль-тикшерү материаллары гына түгел, бланкларны да кертеп, чыгарылыш сыйныф укучылары өчен имтихан материалларының тулы комплекты басылачак.

Гөлнара Габдрахманова йомгаклау аттестациясен үткәрү вакытында онлайн-видеокүзәтү булдырылачак, дип искәртте. Узган ел бердәм дәүләт имтиханын һәм төп дәүләт имтиханын уздырганда тәртип бозуның 9 очрагы теркәлде, - диде ул.

“Сүз дә юк, тәртип бозучылар шунда ук имтиханнан чыгарыла,- дип өстәде Габдрахманова. – Узган ел белешмәлек материаллары табылган бер генә балага да шул ук елны имтиханны яңадан тапшырырга рөхсәт бирелмәде. Алар имтиханны быел тапшырачак”.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10