ҺАВА ТОРЫШЫ +13 oC

Яңалыклар

барлык хәбәрләр Татарстан Россия
МӨҺим
"Татар кызы-2018" республика сайлап алу турының җиңүчесе билгеле
Рөстәм Миңнеханов һәм Джанни Инфантино Казанда Испания - Иран матчын карый
Иртәгә Казанда яңгыр һәм көчле җил көтелә
2018 елгы Дөнья чемпионаты көннәрендә шәһәр яны поездларының маршруты үзгәрә
20 июньнең төп вакыйгалары - фото һәм сылтамалар

Хәвеф-хәтәр

Кызларын коткарган янгын сүндерүчеләргә Казандагы гаилә рәхмәт белдерде

22 февраль 2018, 14:36 , Фото: МЧС РТ

Кызларын коткарган янгын сүндерүчеләргә Казандагы гаилә рәхмәт белдерде Табиблар килгәнче, янгын сүндерүчеләр мөстәкыйль рәвештә балага реанимация ясаган.

(Казан, 22 февраль, «Татар-информ»). Казанда яшәүче гаилә янгында нәни кызларын коткарып калган янгын сүндерүчеләргә рәхмәт белдерде. Бу хакта «Татар-информ» агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтеннән хәбәр иттеләр.

Кечкенә Аделинаның әнисе Россия Гадәттән тыш хәлләр министрлыгының Татарстан буенча Баш идарәсе рәсми төркеме сәхифәсендә кызын коткарганнары өчен рәхмәт белдерде.

Моңа кадәр «Татар-информ» агентлыгы хәбәр иткәнчә, 4 февраль көнне Казанның Яңа Савин районындагы бер фатирда җитди янгын чыга. Бу вакытта әби кеше өч яшьлек сабый белән өйдә була. Ялкын телләре бөтен коридорны камап ала һәм чыгу юлларын томалый. Нәтиҗәдә, әби һәм аның оныгы төтенгә буылып, аңын югалта.

Урынга килгән коткаручылар фатирдан зыян күрүчеләрне кулларына күтәреп алып чыга. Табиблар килгәнче янгын сүндерүчеләр мөстәкыйль рәвештә балага реанимация ясый.

Гадәттән тыш хәлләр министрлыгы хезмәткәрләренең оператив эш итүе нәтиҗәсендә, әби белән баланың гомерен саклап калалар. Кичә кечкенә Аделинаны хастаханәдән чыгардылар. Иң беренче эш итеп, алар әнисе белән үзләрен коткаручыларга рәхмәт белдерергә килде.

Янгын сүндерүчеләр кунакларны шатланып каршы алды, аларга янгын часте буйлап экскурсия үткәрде һәм сабыйга курчак бүләк итте. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10