ҺАВА ТОРЫШЫ +17 oC

Яңалыклар

барлык хәбәрләр Татарстан Россия
МӨҺим
Дөнья чемпионатында Россия җыелмасы Мисыр командасын җиңде
Казандагы ФИФА җанатарлары фестивале мәйданы Россия-Мисыр матчын караучылар белән тулды
Төрекмәнстанда күпхатынлылыкны тыялар
Аккош күлендә Сабан туе милли көйләр һәм футболны берләштерәчәк
Татар чыгышлы язучы Сана Вәлиуллина "Ясная поляна" әдәби конкурсы номинанты булды

Мәдәният, Татар дөньясы

"Мирас" фестивале концертларына татар зыялылары йөрми

21 февраль 2018, 22:12 , Фото: Александр Эшкинин

Казанда Нәҗип Җиһанов исемендәге III "Мирас" татар музыкасы фестивале бара.

(Казан, 21 февраль, "Татар-информ", Рузилә Мөхәммәтова). Казанда "Мирас" фестиваленең икенче концерты төгәлләнде. Нәҗип Җиһанов исемендәге III "Мирас" татар музыкасы фестиваленең икенче концерты да, беренчесе кебек үк, татар иҗат әһелләреннән башка узды.

Концертны Татарстан Композиторлары берлеге рәисе Рәшит Кәлимуллин һәм композитор, "Кыйссаи Йосыф" балеты авторы Леонид Любовский тамаша кылды. Тамашачылар арасында башка композиторлар, татар язучылары һәм артистлары күренмәде. Татар журналистлары да икәү генә иде. Мәдәният министрлыгы җитәкчеләре дә килмәде. Салих Сәйдәшев исемендәге зур концертлар залының vip урыннары да беренче һәм икенче концертларда тулып тормады.

Ике концертка да килгән "Татаркино" оешмасы җитәкчесе Миләүшә Айтуганова да татар зыялыларының милли концертларга йөрмәүләренә гаҗәпләнү белдерде.

Искәртеп үтәбез, бүген Салих Сәйдәшев исемендәге Зур концертлар залында Нәҗип Җиһанов исемендәге III "Мирас" татар музыкасы фестиваленең икенче концерты үтте. "Мирас" фестиваленең беренче концерты бөек дирижер Фуат Мансуровның 90 еллыгына багышланса, икенчесе композитор Яруллиннар нәселенә багышланган иде.

Бүгенге программа "Яруллиннар - моңлы нәсел" дип аталды. Татарстан Республикасының Дәүләт симфоник оркестры Рөстәм Абязов дирижерлыгында чыгыш ясады.

Концертның беренче бүлегендә Заһидулла Яруллинның моннан 105 ел элек язылган "Тукай маршы", Фасил Әхмәтовның "Фәрит Яруллин истәлегенә багышланган симфоник поэмасы", Мирсәет Яруллинның "Скрипка белән оркестр өчен концерты" яңгырады. Икенче бүлектә тамашачы Рөстәм Абязов эшкәртүендә Фәрит Яруллинның "Шүрәле" балетыннан зур сюита тыңлады.

"Мирас" фестивале Татарстан Республикасы Дәүләт симфоник оркестрының сәнгать җитәкчесе Александр Сладковский инициативасы белән тормышка ашырыла. Фестивальне арт-директоры - музыка белгече, Казан дәүләт консерваториясе профессоры Вадим Дулат-Алеев.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10