ҺАВА ТОРЫШЫ +17 oC

Яңалыклар

барлык хәбәрләр Татарстан Россия
МӨҺим
Дөнья чемпионатында Россия җыелмасы Мисыр командасын җиңде
Казандагы ФИФА җанатарлары фестивале мәйданы Россия-Мисыр матчын караучылар белән тулды
Төрекмәнстанда күпхатынлылыкны тыялар
Аккош күлендә Сабан туе милли көйләр һәм футболны берләштерәчәк
Татар чыгышлы язучы Сана Вәлиуллина "Ясная поляна" әдәби конкурсы номинанты булды

Җәмгыять

Арча башлыгы Казанбаш мәктәбендә укучылар агулану турында фикерен әйтте

21 февраль 2018, 21:41 , Фото: gossov.tatarstan.ru

Арча башлыгы Казанбаш мәктәбендә укучылар агулану турында фикерен әйтте “Кызганычка каршы, бу очрак профилактика чараларының җитәрлек дәрәҗәдә булмавын күрсәтте", - диде Илшат Нуриев.

(Казан, 21 февраль, “Татар-информ”). Татарстанның Арча районы башлыгы Илшат Нуриев бүген районның йомгаклау сессиясендә Казанбаш авылында күпләп балалар агулану очрагы буенча фикерен белдерде. Бу турыда республика парламенты матбугат хезмәте хәбәр итә.

Район башлыгы чыгышында мәктәп балалары күпләп агуланган очракка тукталмый булдыра алмый иде. “Кызганычка каршы, бу очрак профилактика чараларының җитәрлек дәрәҗәдә булмавын күрсәтте. Мәгариф оешмаларына бу юнәлештә Роспотребнадзор белән тыгызрак элемтәдә эшләргә кирәк, дип уйлыйм”, - дигән Илшат Нуриев.

"Татар-информ" хәбәр иткәнчә, 10 февраль көнне 32 кеше Арча үзәк район хастаханәсенә мөрәҗәгать итә. Соңрак 4 көн эчендә тагын 14 бала ярдәм сорап килә. 33 кешене Республика клиник йогышлы авырулар хастаханәсенә салалар. 13 кеше Арча үзәк хастаханәсенең Яңа Кенәр участок хастаханәсендә дәвалана. Авыручыларның барысына да "Норуолк вирусы тәэсирендә үтә көчле гастроэнтеропатия" диагнозы куела.  


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10