ҺАВА ТОРЫШЫ +23 oC

Яңалыклар

барлык хәбәрләр Татарстан Россия
МӨҺим
Солнечногорскида яңа мәчет ачылды
Миләүшә Айтуганова командасы төрки хатын-кызлары калейдоскобына документаль фильм әзерли
Татарстан мөфтие Феофан атакай белән дуслыгының серен әйтте
Салават Фәтхетдинов сәхнәдәш дуслары белән Филармония бакчасында хәйрия концертлары уздыра
Чемпионат матчында Япония җыелмасы Колумбия командасын җиңде

Авыл

Питрәчтә Кәримовлар хуҗалыгында 14 баш мөгезле эре терлек бар

21 февраль 2018, 19:12 , Фото: архив/Салават Камалетдинов

Питрәчтә Кәримовлар хуҗалыгында 14 баш мөгезле эре терлек бар "Сыерларның барысын да сауганда, һәр көнне 200 литр сөт алабыз", - дип сөйләгән хуҗабикә.

(Казан, 21 февраль, "Татар-информ"). Татарстанның Питрәч районы Шәле авылында Гөлия һәм Илнар Кәримовлар хуҗалыгында 14 баш мөгезле эре терлек бар. Шуларның унысы савым сыерлары. Бу турыда Татарстан Авыл хуҗалыгы һәм азык-төлек министрлыгы матбугат хезмәте хәбәр итә.

"Мин, авылдагы башка бик күпләр кебек үк, кечкенәдән хезмәткә һәм терлекләр карарга өйрәнеп үстем. Һәм бу миңа бик ошый, әлеге эшләрне яратып башкарам. Шуңа күрә мин фермада да рәхәтләнеп эшлим. Эшнең нәтиҗәсе дә бар, табыш та яхшы керә", - дип сөйләгән Гөлия Кәримова.

Аларның продукциясен Шәле һәм Питрәч кешеләре даими сатып ала. "Сөттән эремчек, каймак ясыйбыз. Безнең продуктларны һәрвакыт бик яхшы алалар, чөнки беләләр - барысы да өйдә эшләнгән, тәмле, чиста. Хәзер сыерларның барысын да саумыйбыз әле, яшь бозаулар көтәбез. Шуңа күрә көнгә 30 литр гына сөт чыга. Барысын да сауганда, һәр көнне 200 литр сөт алабыз",  - дип сөйләгән хуҗабикә.

Хәбәрдә әйтелгәнчә, Кәримовлар гаиләсе алга таба ферманы зурайтырга һәм мөгезле эре терлекләр санын да арттырырга уйлый. "Әлегә бозауларны калдырмыйбыз, сатабыз. Безнең терлек карау тәҗрибәбез зур, шулай булса да, яңага өйрәнү, уку мөмкинлеген ычкындырмаска тырышабыз", - дигән Гөлия Кәримова. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10