ҺАВА ТОРЫШЫ +18 oC

Яңалыклар

барлык хәбәрләр Татарстан Россия
МӨҺим
23 июньнең төп вакыйгалары - фото һәм сылтамалар
Ык буе авыллары Сабан туе батыры билгеле булды
Р.Миңнеханов "хәләл" продукциянең җитештерү таләпләренә тәңгәллеген тикшерергә кушты
Казанда Каюм Насыйри турында китап тәкъдим ителде
Журналист Наил Алан туган авылында җирләнде

Спорт

Азнакайга республика картингчылары җыелды

21 февраль 2018, 23:00 , Фото: aznakaevo-rt.ru/

Азнакайга республика картингчылары җыелды Араларында 5 яшьлекләр дә, 50 яшьлекләр дә бар.

(Азнакай, 21 февраль, “Татар-информ”, “Маяк”, Лиза Нурлыева). Азнакай җирлеге ел саен февральдә үзенә республика картингчыларын җыя. Район башлыгы кубогына оештырылган быелгы ярышларга 10 районнан 80 гә якын спортчы килде. Араларында 5 яшьлекләр дә, 50 яшьлекләр дә бар, дип яза район газетасы.

Район җитәкчеләренең кунакларны сәламләп, ярышта катнашучыларга уңышлар теләгән чыгышыннан соң ипподром мотор тавышларына күмелде. Стартка әзерләнгән ике Әмир белән сөйләшеп алабыз. Берсе – 6 яшьлеге Сарманнан килгән, бик җитди малай булып чыкты. Картинг спорты белән 4 яшеннән шөгыльләнүе турында гына әйтте дә, сөйләшеп торырга вакытым юк, дигәндәй, корыч “атына” утырып, китеп тә барды. Әмирләрнең икенчесе – үзебезнең Азнакайдан, бик кечкенәдән район данын яклап республика гына түгел, илкүләм ярышларда да җиңүләр яулаган әле сигезен генә тутырган Динмөхәммәтов.

Районның “Витязь” картингчылар клубын җитәкләгән Ринат Җиһаншинның шәкертләре өчен дулкынлануы сизелә. Әфган сугышы ветераны быелгы ярышларның совет гаскәрләрен Әфган җиреннән чыгару көненә һәм Кызыл Армиянең 100 еллыгына багышлануын әйтте.

–Спортның бу төре җирлегебездә елдан-ел популярлык ала, – ди ул. – район җитәкчеләренең, нефтьчеләрнең ярдәменә рәхмәтлебез. Бүгенге бу ярышны оештыруда, мәйданны әзерләүдә шәһәр башкарма комитеты җитәкчесе Марат Солтановның, “Таргин”, АПТС, яшелләндерү һәм төзекләндерү предприятиесенең, мәгариф, спорт бүлекләре, ДОСААФ җитәкчеләренең, спонсорларыбызның зур өлеше керде.

Баулыдан килгән Артур Гәрәев та Азнакайда һәр елны ярышларга бик оешкан төстә, югары дәрәҗәдә әзерләнүләренә соклануын белдерде. 27 яшьлек ир-егет картинг узышларында инде 10 ел катнашып килә. Азнакайда да, үзләрендә дә соңгы вакытта кечкенәләрнең дә, яшүсмерләрнең дә картинг спортына күпләп тартылуын зур канәгатьләнү белән ассызыклады.

Ярыш йомгакларына килгәндә, “Националь юниор” классында 16 яшькә кадәргеләр арасында Азнакайдан Илһам Ибәтуллин җиңү яулады. 16 яшьтән өлкәнрәкләр арасында “Национальный” классында Азат Җиһаншин өченче урынга чыкты. Картингчылар клубына йөрүчеләр команда ярышларында катнашу өчен картинглар күбрәк булсын иде, дигән теләкләрен дә белдерде, диелә район хәбәрендә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10