ҺАВА ТОРЫШЫ +17 oC

Яңалыклар

барлык хәбәрләр Татарстан Россия
МӨҺим
Дөнья чемпионатында Россия җыелмасы Мисыр командасын җиңде
Казандагы ФИФА җанатарлары фестивале мәйданы Россия-Мисыр матчын караучылар белән тулды
Төрекмәнстанда күпхатынлылыкны тыялар
Аккош күлендә Сабан туе милли көйләр һәм футболны берләштерәчәк
Татар чыгышлы язучы Сана Вәлиуллина "Ясная поляна" әдәби конкурсы номинанты булды

Авыл

Сәүдә челтәрләре сөт ризыклары хакын 80 процентка кадәр арттыра – министрлык

20 февраль 2018, 18:12

Сәүдә челтәрләре сөт ризыклары хакын 80 процентка кадәр арттыра –  министрлык Татарстанның авыл хуҗалыгы министры урынбасары Нәҗип Хаҗипов сүзләренчә, бәя арту Татарстаннан гына тормый.

(Казан, 20 февраль, “Татар-информ”, Чулпан Шакирова). Татарстан авыл хуҗалыгы һәм азык-төлек министрының терлекчелек буенча урынбасары сөт ризыклары хакын арттырып саткан берничә кибет челтәрен мисал итеп китерде.

“Сәүдә челтәрләре бездән кабул иткән продукциянең бәясен арттыра. Бу – башка сыймый торган хаклар. Алар үзләренә 80 процентка кадәр файда эшли”, – диде урынбасар “Татар-информ” хәбәрчесенә.

Аның сүзләренчә, кибетләргә кертә торган продукциянең бәясе үсү Татарстаннан гына тормый.

“Әйтик, бүген капларга тутырылган 2,5 процентлы сөтне “Яшел Үзән сөт комбинаты”, күмәртәләп, 32, 69 сумга җибәрә. Шул ук сөтне “Лента” 50 сумга, “Эссен” - 46,80, “Магнит” 42,30 сумга сата. Өстәмә хак (наценка) “Лента”ныкы – 53, “Эссен”ныкы - 43, “Магнит”ныкы 29 процент.

15 % майлылыктагы каймакның килосын шул ук комбинат 93 сумга бирә. “Лента” – 172, “Эссен” -155, “Магнит” – 159 сумга сата. Өстәмә хак “Лента”ныкы - 84, “Эссен”ныкы – 66, “Магнит”ныкы 70 процент. Уйлап карагыз сез, 84 процентка арттырып саталар бит!

Колхозчының 20 сумлык сөте менә нинди бәяләргә менеп җитә”, – диде Нәҗип Хаҗипов.

Министр урынбасары “Татар-информ”га шул ук вакытта сөт-май заводларында товар тулып ятуын да искәртте.

“Сөт-май заводларында да бүген товар күп. 700 тонна сыр, 72 процентлы 1500 тонна атланмай, 2370 тонна коры майсыз сөт сатылмыйча ята”, – диде ул. "Татар-информ" алдарак Рөстәм Миңнехановның сөт бәяләре буенча Медведевка язган хатына җавап килүе турында хәбәр иткән иде. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10