ҺАВА ТОРЫШЫ +14 oC

Яңалыклар

барлык хәбәрләр Татарстан Россия
МӨҺим
Татар рәссамнары белән тарихчылар халыкка тарихи белем бирү проектларын башлап җибәрәләр
Татарстан әниләрен эшмәкәрлек нигезләренә бушлай укытачаклар
18 июньнең төп вакыйгалары - фото һәм сылтамалар
Варшавада татар кухнясы көннәрендә чәкчәк пешерергә өйрәтәчәкләр
Чиләбедә Татар халык театры яңадан эшли башлады

Икътисад

Татарстан инвестиция форумында 15тән артык килешү төзегән

20 февраль 2018, 18:27 , Фото: tatarstan.ru

Татарстан инвестиция форумында 15тән артык килешү төзегән      Республика вәкилләре Сочида партнерлар белән 84 очрашу уздырган.

(Казан, 20 февраль, “Татар-информ”, Рөстәм Килсинбаев). Татарстан Сочида Россия инвестиция форумында 15тән артык килешү имзалаган. Бу хакта бүген Татарстан Министрлар Кабинетында узган брифингта Татарстан Инвестицион үсеш агентлыгы җитәкчесе Талия Миңнуллина сөйләде.

Татарстан форумда Краснодарск краеннан соң күпсанлы делегация булган. 70ләп делегатның күпчелек өлешен кече һәм урта бизнес вәкилләре тәшкил иткән.

“Без башка субъект вәкилләре белән 84 очрашу уздырдык. Татарстан Президентының программасы бай эчтәлекле иде. Шул исәптән Россиядәге Италия һәм Израил илчеләре белән очрашулар узды. Анда товар әйләнешен үстерү мөмкинлекләре турында фикер алышу булды”, - дип билгеләп үтте Татарстан Инвестицион үсеш агентлыгы җитәкчесе.

Имзаланган килешүләрнең финанс ягына килсәк, хәзер аны санау кыен. Документларның бер өлеше килешү турында меморандум статусына ия, бер өлеше коммерция сере булып тора.

“Әлеге барлык очрашулар төп мәсьәләгә – сәүдә операцияләренә эшли. Чөнки безгә үз продукциябезне этәрергә кирәк. Республикада инвестиция хәрәкәте бара. Һәм, иң мөһиме, без коллегалар белән бер-беребезне тулыландыра алырга тиешбез”, - дип шәрехләде Миңнуллина.

Россия инвестиция форумы Сочида 15 һәм 16 февральдә уза. Ике көнлек программа өч юнәлеш буенча 55 чараны үз эченә алган. Алар: “Төбәкләрдә эшмәкәрлек. Яңа импульс бирү”, “Тормыш шартларын яхшырту”, “Яңа төбәк сәясәте: камилләштереп идарә итү”.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10