ҺАВА ТОРЫШЫ +17 oC

Яңалыклар

барлык хәбәрләр Татарстан Россия
МӨҺим
Дөнья чемпионатында Россия җыелмасы Мисыр командасын җиңде
Казандагы ФИФА җанатарлары фестивале мәйданы Россия-Мисыр матчын караучылар белән тулды
Төрекмәнстанда күпхатынлылыкны тыялар
Аккош күлендә Сабан туе милли көйләр һәм футболны берләштерәчәк
Татар чыгышлы язучы Сана Вәлиуллина "Ясная поляна" әдәби конкурсы номинанты булды

Рәсми Татарстан

Рөстәм Миңнехановның сөт бәяләре буенча Медведевка язган хатына җавап килгән

20 февраль 2018, 17:29 , Фото: архив tatar-inform.ru

Рөстәм Миңнехановның сөт бәяләре буенча Медведевка язган хатына җавап килгән Россия хөкүмәте җитәкчесе сөткә бәйле вазгыять игътибар сорый, ди.

(Казан, 20 февраль, “Татар-информ”, Чулпан Шакирова). Татарстан Президентының сөт бәяләре төшү буенча Россия хөкүмәте башлыгы Дмитрий Медведевка язган хатына җавап килгән. Билгеле булганча, Рөстәм Миңнеханов Сочида узган киңәшмәдә сөт мәсьәләсе буенча әзерләнгән хатны Дмитрий Медведевка тапшырырга вәгъдә иткән иде.

Татарстан авыл хуҗалыгы министрының терлекчелек буенча урынбасары Нәҗип Хаҗипов “Татар-информ”га хәбәр иткәнчә, кичә министрлыкка Рөстәм Миңнеханов язган хатка җавап килгән.

“Сөт мәсьәләсенә бәйле вазгыять игътибар сорый. Тәкъдимнәр әзерләгез”, – дип, Россия хөкүмәте рәисе үзенең урынбасары Аркадий Дворковичка әлеге мәсьәләне хәл итүне йөкләгән. Медведевның күрсәтмәсе 16 февраль көнне имзаланган.

Искәртеп үтик, 14 февраль көнне, Татарстан агросәнәгать тармагының киңәйтелгән утырышында, сөткә бәйле вазгыятьне хәл итүне сорап, Әтнә районы башлыгы Габделәхәт Хәкимов Рөстәм Миңнехановка мөрәҗәгать итте. Президент аңа җавап итеп, “белешмә дә, язма мөрәҗәгать тә әзерләргә кирәк. Федераль үзәккә мөрәҗәгать итәрмен. Сочидагы конференция вакытында Дмитрий Медведев янына шәхсән үзем барачакмын. Бу мәсьәләне киңәшмәдә күтәрәчәкмен. Вәгъдә бирәм, бу юнәлештә эшләячәкмен", - дигән иде.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10