ҺАВА ТОРЫШЫ +18 oC

Яңалыклар

барлык хәбәрләр Татарстан Россия
МӨҺим
23 июньнең төп вакыйгалары - фото һәм сылтамалар
Ык буе авыллары Сабан туе батыры билгеле булды
Р.Миңнеханов "хәләл" продукциянең җитештерү таләпләренә тәңгәллеген тикшерергә кушты
Казанда Каюм Насыйри турында китап тәкъдим ителде
Журналист Наил Алан туган авылында җирләнде

Хәвеф-хәтәр

Чаллы башкарма комитеты белгечен ришвәтчелектә гаепләп, тоткарладылар

20 февраль 2018, 15:44 , Фото: архив tatar-inform.ru

Чаллы башкарма комитеты белгечен ришвәтчелектә гаепләп, тоткарладылар Түрәгә, төзелүче объектка рөхсәт документлары алырга ярдәм иткән өчен, 200 мең сум акча биргәннәр.

(Казан, 20 февраль, “Татар-информ”). Чаллы шәһәре башкарма комитеты бүлекләренең берсендә баш белгеч булган кешене ришвәтчелектә гаеплиләр. Бу хакта Россия Тикшерү комитетының Татарстан буенча Тикшерү идарәсе җитәкчесенең өлкән ярдәмчесе Андрей Шептицкий хәбәр итте.

Россия Эчке эшләр министрлыгының Татарстан Республикасы буенча матбугат хезмәте мәгълүматлары буенча, 2017 ел ахырында эшмәкәр 34 яшьлек түрәдән Чаллыда база объекты төзелешенә рөхсәт документлары алуда ярдәм итүен сораган. Тегесе 200 мең сум акча хисабына ярдәм итәргә ризалашкан. Эшмәкәр исә бу хакта хокук саклау органнарына җиткергән.

Нәтиҗәдә, 30 гыйнвар көнне Башкарма комитет бинасында түрәгә 25 мең, 15 февральдә калган 175 мең сумны тапшырганнар. Шуннан соң, аны хокук саклау органнары хезмәткәрләре тоткарлаган.

Россия Тикшерү комитетының Татарстан буенча Тикшерү идарәсе мәгълүматлары буенча, әлеге факт нигезендә “Ришвәт алу” маддәсе буенча җинаять эше кузгатылган. Гаепләнүчегә 12 елга кадәр төрмә яный. Хәзерге вакытта ул сак астына алынган.

Тикшерү комитеты әлеге түрәне кулга алу видеосы белән уртаклашты.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10