ҺАВА ТОРЫШЫ +23 oC

Яңалыклар

барлык хәбәрләр Татарстан Россия
МӨҺим
Татарстан мөфтие Феофан атакай белән дуслыгының серен әйтте
Салават Фәтхетдинов сәхнәдәш дуслары белән Филармония бакчасында хәйрия концертлары уздыра
Чемпионат матчында Япония җыелмасы Колумбия командасын җиңде
Чемпионат вакытында Казанда “Музейда футбол төне” чарасы үткәрелә
FISU Рөстәм Миңнехановны Жан Птижан медале белән бүләкләде

Мәдәният

Бүген Әлмәт театрының Казан гастрольләре башлана

18 февраль 2018, 11:59 , Фото: Рамиль Гали

Бүген Әлмәт театрының Казан гастрольләре башлана Афишада – театрның касса җыя торган премьералары.

(Казан, 18 февраль, «Татар-информ», Рузилә Мөхәммәтова). Бүген Казанда Әлмәт татар дәүләт драма театрының гастрольләре башлана. Бу юлы театр җитәкчелеге Казанган иң касса җыя торган яңа спектакльләрен алып килә. Театр директоры Фәридә Исмәгыйлева сүзләренә караганда, спектакльләр тулы залларда барачак.

Беренче ике спектакльгә билетлар сатылып беткән инде. Өченче спектакльгә генә сатуда азрак билетлар калган. Спектакльләр Тинчурин театры залында була.

Театр афишасында өч спектакль – Ярослава Пулинович пьесасы буенча Илгиз Зәйниев куйган “Син кайда идең?”, Илдар Хәйруллинның Зөлфәт Хәким пьесасы буенча куйган “Тыкрыкта булды бу хәл” спектакле һәм Илгиз Зәйниевнең авторлыгында һәм режиссерлыгында “Хыял йорты” спектакле. Соңгы икесе – театрның яңа сезон премьералары.

“Син кайда идең?” спектакле бүген Тинчурин театры сәхнәсендә 17.00 сәгатьтә башланып китә. Төп рольләрдә – Татарстанның халык, Россиянең атказанган артисты Камил Вәлиев һәм Татарстанның атказанган артисты Наилә Нәҗипова.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10