ҺАВА ТОРЫШЫ +13 oC

Яңалыклар

барлык хәбәрләр Татарстан Россия
МӨҺим
"Татар кызы-2018" республика сайлап алу турының җиңүчесе билгеле
Рөстәм Миңнеханов һәм Джанни Инфантино Казанда Испания - Иран матчын карый
Иртәгә Казанда яңгыр һәм көчле җил көтелә
2018 елгы Дөнья чемпионаты көннәрендә шәһәр яны поездларының маршруты үзгәрә
20 июньнең төп вакыйгалары - фото һәм сылтамалар

Җәмгыять

Бүген Россиядә Транспорт полициясе көне билгеләп үтелә

18 февраль 2018, 09:46 , Фото: из соцсетей

Бүген Россиядә Транспорт полициясе көне билгеләп үтелә 1919 елның 18 февралендә “Тимер юлларны саклау буенча ведомстводан тыш комиссия оештыру турында”гы декрет нәшер ителгән.

(Казан, 18 февраль, «Татар-информ»). 18 февральдә Россиядә Транспорт полициясе көне билгеләп үтелә. Бу - Россия Федерациясе Эчке эшләр министрлыгының транспорттагы тәртип өчен җаваплы бүлекчәсе хезмәткәрләренең рәсми булмаган һөнәри бәйрәме. Бу хакта Calendar.ru Истәлекле көннәр календаре хәбәр итә.

Бу хезмәтнең барлыкка килү тарихын Россиядә тимер юллар салына башлау белән бәйлиләр. 1919 елның 18 февралендә Бөтенроссия үзәк башкарма комитетының “Тимер юлларны саклау буенча ведомстводан тыш комиссия оештыру турында”гы декреты нәшер ителгән. Бу декретны тимер юл транспортын саклау системасын булдыруда беренче документ дияргә була.

Эчке эшләр министрлыгының транспортта Баш идарәсе хезмәткәрләренең бүген дә төп бурычы - тимер юл, һава, диңгез һәм елга транспортларында пассажирлар һәм йөк ташу куркынычсызлыгын тәэмин итү, терроризм, корал, шартлаткыч матдәләр, хәрби кирәк-яраклар һәм наркотиклар таралуга каршы тору.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10