ҺАВА ТОРЫШЫ +13 oC

Яңалыклар

барлык хәбәрләр Татарстан Россия
МӨҺим
"Татар кызы-2018" республика сайлап алу турының җиңүчесе билгеле
Рөстәм Миңнеханов һәм Джанни Инфантино Казанда Испания - Иран матчын карый
Иртәгә Казанда яңгыр һәм көчле җил көтелә
2018 елгы Дөнья чемпионаты көннәрендә шәһәр яны поездларының маршруты үзгәрә
20 июньнең төп вакыйгалары - фото һәм сылтамалар

Мәдәният

Баулы районында Фәнис Яруллин елы кысаларында чаралар уза

18 февраль 2018, 00:00 , Фото: bavly-tat.ru

Баулы районында Фәнис Яруллин елы кысаларында чаралар уза Бу кичә бер яктан Фәнис Яруллинны искә алу булса, икенче яктан Нурсия ханымга халыкның соклануын белдерү дисәң дә артык булмас.

(Баулы, 18 февраль,  "Татар-информ",  “Баулы-информ”,  Фәридә Зиярова). Татарстанның халык шагыйре, Муса Җәлил, Габдулла Тукай исемендәге дәүләт бүләкләре лауреаты Фәнис Яруллинның туган ягы Баулыда бүген зурлап хәтер кичәсе узды. Башта ул аның туган көне 9 февральгә билгеләнгән булса, ул көнне Татар дәүләт филармониясендә искә алу кичәсе уздырылу сәбәпле, кичектерелде, дип яза җирле басма.

2018 ел Баулы районында Фәнис Яруллин елы дип игълан ителде. Моның кысаларында шәһәрдә һәм авылларда күпсанлы чаралар үтә. 

Баулы шәһәренең концертлар залында бер генә буш урын да юк иде. Арада чәчәк бәйләмнәре тоткан кешеләр дә шактый булды.

Район башлыгы Рамил Гатиятуллин озатуында залда Фәнис Яруллынның тормыш иптәше Нурсөя ханым күренгәч, халык аны басып алкышлап карыш алды.

Бу кичә бер яктан Фәнис Яруллинны искә алу булса, икенче яктан Нурсия ханымга халыкның соклануын белдерү дисәң дә артык булмас. Бик күп чыгышларда яңгырады аңа карата җылы сүзләр, матур теләкләр.

Чарада Татарстан Язучылар берлеге рәисе Данил Салихов та катнашты. Чыгышы тәмамлагач, ул баулыларга иҗади бүләк ясады – татар халык җыры “Олы юлның тузаны” җырын башкарды.

Кичә истәлекләр, әдипнең шигырьләре һәм аңа атап язылган шигырьләр, шигырь укучылар һәм рәсемнәр бәйгеләрендә җиңүчеләрне бүләкләү, җырлар белән үрелеп барды.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10