ҺАВА ТОРЫШЫ +18 oC

Яңалыклар

барлык хәбәрләр Татарстан Россия
МӨҺим
23 июньнең төп вакыйгалары - фото һәм сылтамалар
Ык буе авыллары Сабан туе батыры билгеле булды
Р.Миңнеханов "хәләл" продукциянең җитештерү таләпләренә тәңгәллеген тикшерергә кушты
Казанда Каюм Насыйри турында китап тәкъдим ителде
Журналист Наил Алан туган авылында җирләнде

Спорт

Илшат Фәрдиев: Нечаевская Татарстанга алтын йөгертелгән "бронза" бүләк итте

17 февраль 2018, 15:19 , Фото: архив tatar-inform.ru

Илшат Фәрдиев: Нечаевская Татарстанга алтын йөгертелгән Республика чаңгычылары 2002 елдан бирле Уеннарда беренче тапкыр медаль яулый.

(Казан, 17 февраль, “Татар-информ”, Фәрит Салихов). Татарстанның Чаңгы ярышлары һәм биатлон федерациясе президенты Илшат Фәрдиев Россия җыелмасы составында Татарстан чаңгычысы Анна Нечаевскаяның Пхенчхандагы уңышына карата үз бәясен бирде.

“Анна Нечаевская Татарстанга алтын йөгертелгән бронза медаль бүләк итте. Ул аны Россия җыелмасы составында эстафета ярышларында яулады”, – диде Илшат Фәрдиев.

Федерация президенты сүзләренчә, Татарстан чаңгычысы тулысынча тренерлар куйган бурычларны үтәп, үз көчен дистанциядә тиешенчә файдалана алган.

“Аңа өченче этаптан соң Анастасия Седова ясаган аерманы саклап калырга кирәк иде. Россия Чаңгы федерациясе президенты Елена Вяльбе составны билгеләгәндә кабат бик яхшы стратегия белгече булуын исбатлады”, – диде Фәрдиев.

Ул чаңгычы Анна Нечаевская, тренеры Алексей Зоринга да котлау сүзләрен җиткерде.

“Бөтен Татарстанны котлыйм. Бу бит 2002 елдан соң республика чаңгычыларының Уеннарда яулаган беренче медале”, – диде ул. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10