ҺАВА ТОРЫШЫ +23 oC

Яңалыклар

барлык хәбәрләр Татарстан Россия
МӨҺим
Солнечногорскида яңа мәчет ачылды
Миләүшә Айтуганова командасы төрки хатын-кызлары калейдоскобына документаль фильм әзерли
Татарстан мөфтие Феофан атакай белән дуслыгының серен әйтте
Салават Фәтхетдинов сәхнәдәш дуслары белән Филармония бакчасында хәйрия концертлары уздыра
Чемпионат матчында Япония җыелмасы Колумбия командасын җиңде

Җәмгыять

Арчада галим-шагыйрь Рифат Җамалны Һади Такташ исемендәге премия алуы белән котладылар

16 февраль 2018, 20:22

Арчада галим-шагыйрь Рифат Җамалны Һади Такташ исемендәге премия алуы белән котладылар Автор якташлары белән очрашуда үзенең шигырьләрен укыды, күпсанлы сорауларга җавап бирде, китапханәгә китапларын бүләк итте.

(Казан, 16 февраль, “Татар-информ”, Ләйлә Хәкимова). 16 февральдә Арчаның “Казан арты” тарих-этнография музеенда шагыйрь, ветеринария фәннәре докторы, профессор Рифат Җамал белән очрашу узды. Бу хакта “Татар-информ” мәгълүмат агентлыгы хәбәрчесенә Арча үзәкләштерелгән китапханәләр системасы директоры Лилия Фазылова хәбәр итте.

“Очрашуның максаты – шигърияткә гашыйк, иҗатка сәләтле кешеләрне җыеп, якташыбызның мактауларга лаек хезмәт юлы, күпкырлы иҗаты белән таныштыру һәм яшьләргә иҗатларында дөрес юнәлеш бирү”, - дип билгеләп узды ул.

Рифат Җамал белән очрашуга китапханә каршында эшләп килүче “Каурый каләм” әдәби-иҗат берләшмәсенең һәвәскәр шагыйрьләре, район мәктәпләренең татар теле, әдәбияты укытучылары, китапханәчеләр, китапханәләр каршында эшләп килүче әдәби түгәрәк әгъзалары килде.

Кичәдә район Мәдәният идарәсе җитәкчесе Мөхетдинов Рамил Рафис улы катнашты. “Үзенең кыска шигырьләре аша кыю фикерләрен халык күңеленә җиткерә белгән талантлы якташыбызны Һади Такташ исемендәге әдәби бүләк алуы белән барлык арчалылар исеменнән чын күңелдән котлыйм. Сәламәтлек, яңа иҗади уңышлар телим”, - диде ул.

“Таңда ташып чыга хисләрем” исемле кичәне китапханәнең халыкка хезмәт күрсәтү бүлеге мөдире, Татарстанның атказанган мәдәният хезмәткәре Әлфия Галимова алып барды.

“Якташыбызның шигырьләре тупланган “Күңел сүрәләре”, “Ташта үскән чәчәкләр”, “Өзгәләнмә, күңел”, “Янсын йөрәк дөрләп”, “Мин – адәм баласы” исемле китапларын китап укучылар ярата, “Күңелем фасыллары” аудиокитабын, “Йөрәк тамчылары” исемле Рифат Җамал сүзләренә язылган җырлар тупланган компакт дискын китапханәдән алып тыңлыйлар”, - ди Лилия Фазылова.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10