ҺАВА ТОРЫШЫ +24 oC

Яңалыклар

барлык хәбәрләр Татарстан Россия
МӨҺим
Бардадагы милләттәшләр үз тамырларына багышланган лекциягә чакырыла
Болгарда борынгы биналарны әйләндереп алырга тәкъдим ителде
Әстерханда этномәдәни лагерьга йөрүче балаларны татар мәдәнияте белән таныштырганнар
16 июльнең төп вакыйгалары - фото һәм сылтамалар
Роспотребнадзор Дәрвишләр бистәсендәге Комсомольское күлендә коенмаска киңәш итә

Татар дөньясы

Милли Шура рәисе Новосибирскиның тарихи мәчетендә булды

13 февраль 2018, 09:14

Милли Шура рәисе Новосибирскиның тарихи мәчетендә булды Әлеге мәчет 1916 елда төзелгән, 1927 елның 15 июнендә бу бинада Себер мөселманнарының съезды узган.

(Казан, 13 февраль, "Татар-информ"). Татарстан премьер-министры урынбасары, Бөтендөнья татар конгрессы Милли Шура рәисе Васил Шәйхразиев Новосибирскиның тарихи мәчетендә булды. Бу хакта Бөтендөнья татар конгрессы хәбәр итә.

Бу очрашуда мөчетнең имамы Рафаил хәзрәт Сөләйманов, Новосибирск өлкәсе татарлары автономиясе рәисе Әмир Гәрәев, Бөтендөнья татар конгрессы җитәкчесе урынбасары Марс Тукаев та катнашты.

Мәчет 1916 елда төзелгән. 1927 елның 15 июнендә бу бинада Себер мөселманнарының съезды уза. 1937–38 елларда мәчет бинасы ябыла. Янгын сүндерүчеләр клубына әйләнә. Бар мөлкәте талана, ватыла, җимерелә. Соңыннан бу бинада төрле оешмалар эшли. 1992 елның декабрендә мәчет кабат мөселманнарга кайтарыла. Бүгенге көндә мәчеттә реконструрция бара. Мәчет бинасы дәүләт тарафыннан саклана торган тарихи бина булып санала.

Искәртеп узабыз, Татарстан делегациясе ике көнлек эш сәфәре белән Новосибирскида. Иртән ул шәһөр мэрының беренче урынбасары Геннадий Захаров белән очрашты. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10