ҺАВА ТОРЫШЫ -4 oC

Яңалыклар

барлык хәбәрләр Татарстан Россия
×

Спорт

Бүген 2 мең кукмаралы чаңгыга басты

10 февраль 2018, 22:00 , Фото: kukmor-rt.ru

Бүген 2 мең кукмаралы чаңгыга басты Аларны район башлыгы Сергей Димитриев сәламләде.

(Кукмара, 10 февраль, "Татар-информ", "Хезмәт даны", Лилия Нургалиева). Бүген "Кукмара" тау чаңгысы базасында зур бәйрәм, зур тантана. Биредә "Кукмара чаңгысы-2018" ярышлары узды. Катнашырга теләүчеләр күп булды: барлыгы 2 мең заявка керде, дип яза kukmor-rt.ru сайты.

Чаңгычыларга старт бирелгәнче район башлыгы Сергей Димитриев катнашучылырга яхшы кәеф, сәламәтлек теләде.

- Әле кайчан гына биредәүтеп керә алмаслык агачлык иде. Уртак тырышлык белән нинди яхшы трасса ясалды. Көндез генә түгел, кичләрен дә биредә рәхәтләнеп шуарга мөмкин.

Старт иң беренче 2007 елда туган кызларга бирелде. Барлыгы 17 кыз беренче килергә омтылып чаңгыга баскан иде. Алардан соң җитәкче ир-атлар һәм хатын-кызлар үзләрен сынадылар. Район үзәк дәваханәсе, эчке эшләр бүлеге, социаль яклау хезмәткәрләренең командаларында чаңгыда йөрергә яратучылар күп иде.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10