ҺАВА ТОРЫШЫ -2 oC

Яңалыклар

барлык хәбәрләр Татарстан Россия

Мәдәният, Татар дөньясы

Әскәр Айтматов белән Айрат Сибагатуллин Әтнәдә “Гүзәлем Әсәл” спектаклен карады

8 февраль 2018, 20:04 , Фото: atnya-rt.ru

Әскәр Айтматов белән Айрат Сибагатуллин Әтнәдә “Гүзәлем Әсәл” спектаклен карады Спектакль Чыңгыз Айтматовның 90 еллык юбилее уңаеннан сәхнәләштерелгән.

(Әтнә, 7 февраль, "Татар-Информ, “Әтнә таңы”, Сүрия Мингатина). Әскәр Айтматов һәм Татарстанның мәдәният министры Айрат Сибагатуллин Әтнә дәүләт драма театрында  “Гүзәлем Әсәл” спектаклен карадылар һәм театр коллективы белән очраштылар. Бу турыда “Әтнә таңы” газетасы хәбәр итә.

Татарстанга язучы Чыңгыз Айтматов тууының 90 еллыгына багышлап кино төшерү өчен, Кыргызстан делегациясе килде. Әлеге делегация составында язучының улы Әскәр Айтматов та бар. 6 февраль көнне Кыргызстаннан килүчеләр Кукмара шәһәрендә кунак булдылар. Делегация Кукмара районының Туган төбәкне өйрәнү музеенда, Ч.Т.Айтматов исемендәге №1 гимназиядә, Мәчкәрә авылында яңа фильм өчен материаллар төшерделәр.

Туган төбәкне өйрәнү музее хезмәткәрләре Әскәр Айтматовны биредә төзелгән нәсел шәҗәрәсе белән таныштырдылар.

Кичә Әскәр Айтматов һәм республиканың мәдәният министры Айрат Сибагатуллин Әтнә дәүләт драма театрында булып, театр коллективы белән очраштылар. Театрның яшәеше, киләчәге, үткәне, бүгенгесе хакында сөйләштеләр. Әскәр Айтматов театр бинасының стенасына куелган фото-күргәзмәләрне дә бик кызыксынып карады. Соңыннан кунаклар, Чыңгыз Айтматовның 90 еллык юбилее уңаеннан, Әтнә дәүләт драма театры сәхнәләштергән “Гүзәлем Әсәл” спектакленнән өзек карадылар, диелә әлеге хәбәрдә.

Кичә "Татар-информ" Чыңгыз Айтматовның улы Әскәр Айтматов Казанда язучылар белән әтисен искә алды, дип хәбәр иткән иде.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10