ҺАВА ТОРЫШЫ -4 oC

Яңалыклар

барлык хәбәрләр Татарстан Россия
×

Рәсми Татарстан

Рөстәм Миңнеханов Сочида «Россия лидерлары» конкурсында остаз булачак

8 февраль 2018, 11:14

Рөстәм Миңнеханов Сочида «Россия лидерлары» конкурсында остаз булачак Бөтенроссия конкурсында Татарстаннан биш финалист катнаша.

(Казан, 8 февраль, “Татар-информ”). Бүген Татарстан Республикасы Президенты Рөстәм Миңнеханов Сочида эш сәфәрендә. Төп максаты – кичә башланып киткән «Россия лидерлары» бөтенроссия идарәчеләр конкурсының финалында катнашу. Бу хакта Президентның матбугат хезмәте хәбәр итә.

Татарстан Президенты «Остаз көне»ндә катнашачак. Остазлар бәяләү чаралары вакытында 300 финалистның эшен күзәтәчәкләр һәм биремнәрне үтәгәндә катнашучыларның потенциалын бәяли алачаклар.

Моннан тыш, конкурс кысаларында Рөстәм Миңнеханов Россия Федерациясе Президенты каршындагы Россия Халык хуҗалыгы һәм дәүләт хезмәте академиясе ректоры Владимир Мау белән очрашачак.

Искәртәбез: гыйнвар аенда Рөстәм Миңнеханов «Россия лидерлары» конкурсында Татарстаннан катнашкан биш финалист белән очрашкан иде. Рөстәм Миңнеханов идарә өлкәсендә югары квалификацияле кадрлар әзерләүгә юнәлгән мондый чараларны уңай бәяләде. Аның әйтүенчә, монда алынган тәҗрибә дәүләт хезмәтендә, бизнеста, башка өлкәләрдә кирәк булырга мөмкин.  


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10