ҺАВА ТОРЫШЫ -11 oC

Яңалыклар

барлык хәбәрләр Татарстан Россия

Мәдәният

Санкт-Петербургта Муса Җәлилнең 112 еллыгын билгеләп үтәчәкләр

8 февраль 2018, 11:37

Чараның сценарие тантаналы өлеш, рәсми затларның чыгышлары һәм шагыйрьнең шигырьләрен укуны үз эченә ала.

(Казан, 8 февраль, «Татар-информ»). 15 февральдә герой-шагыйрь Муса Җәлилнең тууына 112 ел тула. Әлеге уңайдан Татарстан Республикасының Санкт-Петербург шәһәре һәм Ленинград өлкәсендәге Даими вәкиллеге шагыйрьнең якты истәлегенә багышланган чаралар үткәрә, дип хәбәр итә вәкиллекнең матбугат хезмәте.

12.00 сәгатьтә Гавана урамындагы 18нче йортта күркәм гадәткә әверелгән «Җәлил укулары» узачак. Шулай ук татар халкының бөек шагыйре, Советлар Союзы Герое, Ленин премиясе лауреаты Муса Җәлил һәйкәленә чәчәкләр куячаклар. Чараның сценарие тантаналы өлеш, рәсми затларның чыгышлары һәм шагыйрьнең шигырьләрен укуны үз эченә ала.

Аннары Санкт-Петербургның Василеостровский районында урнашкан дүртенче китапханәсендә «Муса Җәлил: Дүрт чәчәк: әдәби мемориал» дигән шигърият кичәсе узачак.

 


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10