ҺАВА ТОРЫШЫ -4 oC

Яңалыклар

барлык хәбәрләр Татарстан Россия
×

Фән һәм мәгариф

Апас “Салават күпере“ балалар бакчасы тәрбиячесе “Ел тәрбиячесе“ исеменә лаек булды

8 февраль 2018, 09:00 , Фото: apastovo.ru

Апас “Салават күпере“ балалар бакчасы тәрбиячесе “Ел тәрбиячесе“ исеменә лаек булды Тәрбиячеләр тәрбия, белем бирү тәҗрибәләре белән таныштырдылар, төрле биремнәрне үтәделәр.

(Апас, 8 февраль, "Татар-информ", "Йолдыз"). Бу көннәрдә Апас “Салават күпере“, “Кояшкай“ балалар бакчаларында “Ел тәрбиячесе“ бәйгесе үтте. Биредә барлыгы районның 14 тәрбиячесе катнашып, көч сынашты. Тәрбиячеләр тәрбия, белем бирү тәҗрибәләре белән таныштырдылар, төрле биремнәрне үтәделәр, дип яза җирле басма.

Нәтиҗәдә, Апас “Салават күпере“ балалар бакчасы тәрбиячесе Гөлназ Вәлиуллина беренче урынны яулап, “Ел тәрбиячесе“ исеменә лаек булды.

Икенче урынны Апас “Кояшкай“ балалар бакчасы тәрбиячесе Энҗе Гыйсмәтуллина, өченче урынны Зур Күккүздән Зөлфия Җиһаншина алдылар.

Жюри шулай ук дүрт номинация буенча да иң-иңнәрне билгеләде. Свияжный бистәсе “Ләйсән“ балалар бакчасы тәрбиячесе Диләрә Гыймадиева “Иҗат һәм эзләнү“ номинациясендә, Иске Йомралы авылы “Сандугач“ балалар бакчасы тәрбиячесе Наилә Гыйззәтуллина “Иң яхшы педагогик тәҗрибә“ номинациясендә, Каратун “Гөлчәчәк“ балалар бакчасы тәрбиячесе Люция Миңнуллина “Иҗатчы тәрбияче“ номинациясендә, Чүрибураш “Алтын Балык“ балалар бакчасы тәрбиячесе Гөлия Баһаветдинова “Һөнәренә тугърылык һәм осталык “ номинациясендә җиңү яуладылар.

Җиңүчеләргә район мәгариф бүлеге җитәкчесе Алсу Хәйруллина Грамоталар һәм истәлекле бүләкләр тапшырып, хезмәт уңышлары теләде.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10