ҺАВА ТОРЫШЫ -8 oC

Яңалыклар

барлык хәбәрләр Татарстан Россия

Җәмгыять

Татарстан синоптиклары алдагы биш көнгә фаразларын җиткерде

5 февраль 2018, 14:22 , Фото: Рамиль Гали

Татарстан синоптиклары алдагы биш көнгә фаразларын җиткерде 6 февральдә республикада явым-төшем кимиячәк, ә 7-8 февральдә кар явудан туктаячак.

(Казан, 5 февраль, «Татар-информ»). Татарстан синоптиклары алдагы көннәргә фаразларын җиткерде. 5 февральдә Татарстанның күпчелек районнарында буран дәвам итә. Җил көньяктан, тизлеге секундына 10-15 метр, көчәйгәндә – 20, урыны белән 25 метрга кадәр җитә. -1..-6 градус салкын, юлларда кар көртләре хасил булачак, дип хәбәр итә ТР Гидрометеорология һәм әйләнә-тирә мохитне күзәтү идарәсенең матбугат хезмәте.

6 февральдә республиканың күпчелек районнарында бераз кар явачак. Урыны белән җиңелчә буран чыгуы көтелә. Җил көньяк-көнбатыштан, секундына 7-12 метрга кадәр, төнлә урыны белән 18 метрга кадәр көчәя. Төнлә -5..-10, республиканың көнбатышында аязган вакытта -15 градуска кадәр суыта. Көндез температура -2..-7, көнбатышта -10 градуска кадәр салкын.

7-8 февральдә республикада бераз кар явачак. Төнлә -6..-11, көнбатышта -16, көндез -4..-9 градус салкын. 7 февральдә республиканың көнбатышында -12 градуска кадәр суыта.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10