ҺАВА ТОРЫШЫ +23 oC

Яңалыклар

барлык хәбәрләр Татарстан Россия
МӨҺим
Голамәләр дини йолалар турындагы Нигезләмәне яңартачак
VIII Бөтендөнья татар яшьләре форумы кураторлар жыя
Владимир Леонов Татарстан спорт министры итеп билгеләнде
Дамир Фәттахов Татарстан яшьләр эшләре министры итеп билгеләнде
Рөстәм Миңнеханов "Татнефть” җәмгыятенең акционерлар җыелышында катнаша

Спорт

Балтачта кул көрәше буенча тагын бер спортчы Россия спорт мастеры булды

4 февраль 2018, 19:00 , Фото: baltaci.ru/

Балтачта кул көрәше буенча тагын бер спортчы Россия спорт мастеры булды Екатеринбургта Рәсәй беренчелегенә узган кул көрәше ярышында район спортчылары уңышлы чыгыш ясады.

 (Балтач, 4 февраль, “Татар-информ”, “Хезмәт”, Гөлзидә Газизуллина). Шушы көннәрдә Екатеринбургта Россия беренчелегенә кул көрәше буенча ярышлар булып үтте. Анда Азнакай районы егет-кызлары да уңышлы чыгыш ясады, дип яза җирле басма.

Яңгулдан Рамил Сабиров (70 кг) ике кулы белән дә өченче урынны яулап, гомуми исәптә бронза медальгә лаек булды. Чепьядан Эльвина Иванова исә 40 килограмм үлчәү авырлыгында сул кулы белән – өченче, уң кулы белән – беренче һәм гомуми исәптә икенче урынны яулады. Яңгулдан Эльвира Сәләхетдинова шушы ук үлчәү авырлыгында сул кулы белән – беренче, уң кулы белән – икенче, гомуми исәптә беренче булды. Шушы ук авылдан Диләрә Мортазина (50 кг) сул кулы белән – җиденче, уң кулы белән икенче, гомуми исәптә дүртенче урын яулады. Салавычтан Айгөл Вәлиева (45 кг) исә сул кулы белән – беренче, уң кулы белән дүртенче урын, ә гомуми исәптә беренчелекне яулады. Айгөл шулай ук спорт мастеры нормативларын да үтәде. Димәк, Балтач районында тагын бер Россия спорт мастеры артты.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10