ҺАВА ТОРЫШЫ +22 oC

Яңалыклар

барлык хәбәрләр Татарстан Россия
МӨҺим
Чаллыда 9нчы сыйныф укучыларының Төп дәүләт имтиханы нәтиҗәләре республиканыкыннан югары
Сергей Шойгу Мәхмүт Гәрәевкә Александр Невский орденын тапшырды
Серпуховта биш яшьлек кызны үтерүдә шикләнелүчене тоткарлаганнар
“Таврида” форумында Башкортстанның ике вәкиле 100 һәм 200 меңлек грант алды
Россиянең IV җәйге яшьләр Спартакиадасында Казан каратистлары көмеш һәм бронза алды

Хәвеф-хәтәр

Татарстанда 80 яшьлек хуҗабикәнең фатирын үзләштергән ир-атны хөкем иттеләр

2 февраль 2018, 17:23

Татарстанда 80 яшьлек хуҗабикәнең фатирын үзләштергән ир-атны хөкем иттеләр Ир-ат, өлкән яшьтәге хатынны алдап, сату-алу турындагы килешүгә кул куярга мәҗбүр иткән.

(Казан, 2 февраль, «Татар-информ»). Татарстанда суд 80 яшьлек әбине алдап аның фатирын үзләштергән 45 яшьлек ир-атка карата хөкем карары чыгарды, дип хәбәр итте ТР прокурорының өлкән ярдәмчесе Руслан Галиев.

2016 елның җәендә ул Казанда яшәүче әби белән таныша. Ханым ир-атны фатирында яшәргә чакыра һәм тегесе әбинең торагын үзләштерү теләге белән яна башлый.

Иң элек явыз ниятле ир риелтор яллый, ә тегесе сатып алучы эзләп таба һәм торакны сату турында документлар әзерли.

2016 елның декабрендә ир-ат үзен фатир хуҗасының бертуганының улы дип таныштырып, Росреестр хезмәткәрен, риелторны һәм сатып алучыны алдый, ә соңгысы белән сату-алу турында килешү төзи.

Төп башына утырып калган әби дә килешүгә кул куя. Экспертиза күрсәткәнчә, ул психик авырудан интеккән.

Шуннан соң әбинең өендә яшәүче ир-ат фатирны өченче затларга яңадан сатып җибәрә. Нәтиҗәдә, бичара карчык бердәнбер торагыннан колак кага, аңа килгән зыянның күләме 1,3 миллион сум белән бәяләнә.

Ир-ат үз гаебен тулысынча таныган. Ул биш ел гомерен каты режимлы колониядә үткәрәчәк. Район прокуратурасы шикаяте буенча, фатирны сату-алу турындагы килешү суд тарафыннан яраксыз дип табылган, хуҗабикәгә торагын кире кайтарганнар.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10