ҺАВА ТОРЫШЫ -3 oC

Яңалыклар

барлык хәбәрләр Татарстан Россия
×

Рәсми Татарстан

Казан вертолет заводы коллективына яңа җитәкче тәкъдим ителде

2 февраль 2018, 13:53 , Фото: president.tatarstan.ru

Казан вертолет заводы коллективына яңа җитәкче тәкъдим ителде Вадим Лигай "Россия вертолетлары" холдингы генераль директорының инфрструктура үсеше буенча урынбасары итеп билгеләнгән.

(Казан, 2 февраль, “Татар-информ”). Казан вертолет заводы Директорлар советы карары белән предприятиенең яңа генераль директоры итеп Юрий Пустовгаров билгеләнгән. Элек ул Күмертау авиация җитештерү предприятиесенең идарә итүче директоры вазифасын биләгән иде. Бу хакта Татарстан Президенты матбугат хезмәте хәбәр итә.

Татарстан Президенты Рөстәм Миңнеханов бүген Казан вертолет заводы коллективына яңа җитәкчене тәкъдим итте. Республлика Президенты Вадим Лигайга нәтиҗәле эше өчен рәхмәт белдерде, аның җитәкчелегендә Казан вертолет заводында серияле җитештерү һәм Ансат вертолетлары белән тәэмин итү, предприятиенең җитештерү егәрлекләрен киңкүләмле модернизацияләү буенча мөһим бурычлар гамәлгә ашырылуын билгеләп үтте.

Представление коллективу Казанского вертолетного завода нового генерального директора.

Президент Юрий Пустовгаровка яңа вазифада уңышлар һәм алга таба да заводның үсеш алуын теләде.

2007 елдан бирле генераль директор вазифасын биләгән Вадим Лигай “Россия вертолетлары” холдингы генераль директорының инфрструктура үсеше буенча урынбасары итеп билгеләнгән.

Представление коллективу Казанского вертолетного завода нового генерального директора.

Чарада "Ростех” дәүләт корпорацияләре авиация кластеры индустриаль директоры Анатолий Сердюков, “Россия вертолетлары” холдингы генераль директоры Андрей Богинский, Татарстан Президентының ярдәмчесе Равил Зарипов та катнашты.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10