ҺАВА ТОРЫШЫ +23 oC

Яңалыклар

барлык хәбәрләр Татарстан Россия
МӨҺим
Татарстан урман кисүчеләре төбәкара чемпионатта җиңү яулады
Татар рәссамнары белән тарихчылар халыкка тарихи белем бирү проектларын башлап җибәрәләр
Татарстан әниләрен эшмәкәрлек нигезләренә бушлай укытачаклар
18 июньнең төп вакыйгалары - фото һәм сылтамалар
Варшавада татар кухнясы көннәрендә чәкчәк пешерергә өйрәтәчәкләр

Мәдәният

Радик Сабиров яшь язучыларның мәгълүмат базасын булдыру кирәклеген әйтте

1 февраль 2018, 12:50 , Фото: Расих Фасхутдинов

Радик Сабиров яшь язучыларның мәгълүмат базасын булдыру кирәклеген әйтте “Идел” журналының баш мөхәррире "Яшь язучылар берлеге" оештыру тәкъдименә ачыклык кертте.

(Казан, 1 февраль, «Татар-информ», Рузилә Мөхәммәтова). Иҗатчы татар яшьләре турында мәгълүмат базасы булдырырга кирәк. “Идел” яшьләр журналының баш мөхәррире Радик Сабиров кичекмәстән шушы эш белән шөгыльләнә башларга уйлый. Бу хакта ул “Татар-информ” хәбәрчесе белән сөйләште.

Исегезгә төшерәбез, кичә Татарстан Язучылар берлегендә яшь язучылар иҗатын тикшерүгә багышланган утырышта “Идел”  журналының баш мөхәррире Радик Сабиров Яшь язучылар берлеге оештыру тәкъдиме белән чыкты. Ә Татарстан Язучылар берлеге рәисе Данил Салихов беркайчан да моңа юл куймаячагын әйтте.

Радик Сабиров үзенең рәсми орган булган Берлекне күздә тотмавын, ә бары тик иҗат белән шөгыльләнгән яшьләрнең мәгълүмат базасын булдыру турында гына сүз барганлыгын әйтә. “Мин бүгенге яшьләрнең берләшү теләге булмауга аптырыйм. Ничектер алар белән тыгызрак элемтәләр барлыкка китерергә иде. Бәлки социаль челтәрләрдә төркемнәр булдырыргадыр. Әсәрләрне шунда урнаштырып, фикер алышулар оештырылыр иде, шунда ук өлкән язучылар аларга киңәшләр бирер иде”, - ди Радик Сабиров. Ул яшь язучыларның китапларын чыгару мәсьәләсендә дә актив эшләргә кирәклеген әйтә.

“Идел” – 1989 елдан бирле чыгып килүче яшьләр журналы. 2014 елдан журналга спорт журналисты буларак танылган Радик Сабиров мөхәррирлек итә.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10