ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Авыл

Түбән Бәрәскә авылында күл чистарталар

30 гыйнвар 2018, 21:49

Түбән Бәрәскә авылында күл чистарталар Ләмнән һәм башка чүп-чардан чистартуның яртысы башкарылган.

(Казан, 30 гыйнвар, “Татар-информ”, “Әтнә таңы”). “Авылның мәктәпкә бара торган юл янәшәсендә урнашкан күлен чистарталар. Бу күлне чистартуны узган ел көз көне үк башлаганнар иде. Мөмкин булганын эшләделәр, ә тирәнәйтү, тагын да әйбәтләп чистарту өлешен кышка калдырдылар”, - дип яза “Әтнә таңы” газетасы.

Ләмнән һәм башка чүп-чардан чистартуның яртысы башкарылган. Калган яртысын бүгенге көндә дәвам итеп, аны тирәнәйтәләр. Биредәге зиратлар да тәртиптә, чишмәләр дә шәһәрчек кебек эшләнгән. Чистартылган күлнең киләчәген фаразлау авыр түгел. Яныннан китә алмаслык матур булачак ул, - ди Бәрәскә авыл җирлеге башлыгы Аида Фатыйхова.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10