ҺАВА ТОРЫШЫ +20 oC

Яңалыклар

барлык хәбәрләр Татарстан Россия

Икътисад

Брест – Мәскәү юлында 120 тонна законсыз алып керелгән яшелчә табылган

29 гыйнвар 2018, 20:16

Смоленск таможнясы Россиягә законсыз төрек помидорларын һәм Польша алмаларын алып керүче алты йөк машинасын туктаткан.

(Казан, 29 гыйнвар, “Татар-информ”). Смоленск таможнясы хезмәткәрләре Россиягә законсыз рәвештә Төркия һәм Польша яшелчә һәм җиләк-җимешен алып керергә тырышкан алты йөк машинасын тоткарлаган. Бу хакта РИА “Новости” җиткерә.

Барлыгы 120 тонна йөк булган. Йөк машиналарының икесендә медикаментлар дип, документсыз Польша алмалары, өченчесендә – грушалары булган. 60 тонна төрек томаты, шулай ук документларсыз, калган өч машинада табылган.

Польшадан булган җиләк-җимеш юкка чыгарылачак, төрек томатларының язмышы әлегә билгесез.

Россия узган елның ноябреннән Төркия томатларын кертүгә тыюны бетерсә дә, кайбер җитештерүчеләр өчен ул үз көчендә әле, дип аңлатканнар таможняда.

Моннан тыш, йөк ташучыларны 300 меңгә кадәр штраф көтә.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10