ҺАВА ТОРЫШЫ -2 oC

Яңалыклар

барлык хәбәрләр Татарстан Россия

Мәдәният

Казан балаларының фильмнары гомумроссия бәйгесендә җиңде

27 гыйнвар 2018, 11:52

Мәскәүдә "Экология елы" кысаларындагы “Кеше һәм Биосфера” бәйгесенә нәтиҗә ясадылар.

(Казан, 27 гыйнвар, "Татар-информ"). Казан балаларының фильмнары “Кеше һәм Биосфера” гомумроссия конкурсында җиңде. Бу турыда Татарстан Мәдәният министрлыгы матбугат хезмәте хәбәр итте.

Мәскәүдә Россиядә игълан ителгән "Экология елы" кысаларындагы “Кеше һәм Биосфера” бәйгесенә нәтиҗә ясадылар. Бәйгене С.А.Герасимов исемендәге Бөтенроссия дәүләт кинематография институты оештырды. Конкурска экологиягә багышланган кыска фильмнар (документаль, уен, анимация, мультимедиа-проектлар), шулай ук фотографияләр, рәсемнәр һәм компьютер графикалары тәкъдим ителгән иде.

Казанның “Черное и белое” кино мәктәбеннән Алена Кручинан “Кышкы шигырьләр” фильмы белән “Документаль фильм” категориясендә җиңде. “Анимацион фильм” категориясендә Амалия Гарипова, Алена Кручинина һәм Булат Мәүликиевның “Карабүрек” фильмы билгеләп үтелде. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10