ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Җәмгыять

Рөстәм Миңнеханов «КАМАЗ-Мастер» командасын «Дакар-2018» раллиенда җиңүе белән котлады

23 гыйнвар 2018, 15:00

Рөстәм Миңнеханов «КАМАЗ-Мастер» командасын «Дакар-2018» раллиенда җиңүе белән котлады Россиянең «КАМАЗ-Мастер» командасы, быелгы раллида зур уңышка ирешеп, унбишенче тапкыр җиңүче булды.

(Чаллы, 23 гыйнвар, «Татар-информ»). Татарстан Президенты Рөстәм Миңнеханов «КАМАЗ-Мастер» командасын «Дакар-2018» раллиенда җиңүе белән котлады.

«Барыгызны да «Дакар-2018» раллиенда җиңүегез белән ихлас күңелдән тәбрик итәм. Камазлыларның спорттагы югары осталыгына, йөк машиналарының техник әзерлеге искиткеч яхшы булуына соклануымны белдерәм, - диелә котлауда. - Әлеге җиңүгә зур өлеш керткән «КАМАЗ» генераль директоры Сергей Анатольевич Когогинга, команда җитәкчесе Владимир Геннадьевич Чагинга, бер-берсенә ярдәм кулы сузган «КАМАЗ»ның барлык экипажларына, шулай ук команданың һәр әгъзасына рәхмәтемне белдерәм. Аларның һөнәри осталыгыннан башка әлеге җиңүгә ирешә алмаган булыр идек.

Эдуард Николаев экипажын «Алтын бәдәви» бүләгенә өченче тапкыр лаек булуы белән котлыйм. Шунысы куанычлы: «КАМАЗ-Мастер»га нигез салучыларның тиңдәшсез тәҗрибәсе һәм җиңү традицияләре яшь буынга уңышлы тапшырыла. Афәрин, камазлылар, шулай дәвам итегез! Сезгә сәламәтлек, бәхет, яңадан-яңа җиңүләр теләп калам!» - диелә республика лидерының котлау телеграммасында.

Россиянең «КАМАЗ-Мастер» командасы, быелгы раллида уңышка ирешеп, «Дакар»ның 15 тапкыр җиңүчесе булды. Быелгы ярышларда Эдуард Николаев җитәкчелегендәге экипаж беренече булып килде. Бу - аның карьерасындагы өченче җиңү. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10