ҺАВА ТОРЫШЫ +12 oC

Яңалыклар

барлык хәбәрләр Татарстан Россия

Җәмгыять

Кукмара районында үткән ел 562 сабый дөньяга килгән

23 гыйнвар 2018, 06:00

Кукмара районында үткән ел 562 сабый дөньяга килгән Аларның 275е кыз бала һәм 287се ир-малай

(Кукмара, 23 гыйнвар, "Татар-информ", "Хезмәт даны")Үткән ел районда барлыгы 326 пар никахын рәсмиләштергән, 2016 елга караганда өйләнешүчеләр саны 42 парга күбрәк. Бу хакта район ЗАГС бүлеге җитәкчесе Зөлфия Латыйпова хәбәр итте.

Никахларын иң күп рәсмиләштерүчеләр 20-29 яшьтәгеләр. Иң өлкән кияүгә – 81, кәләшкә – 64 яшь, ә иң яшь кияү – 19, кәләш 17 яшьтә. Иң өлкән әти – 57, әни – 44, ә иң яшь әни – 19, әти 21 яшьтә, дип яза kukmor-rt.ru сайты.

2017 елда районда 562 сабый дөньяга килгән. Аларның 275е кыз бала һәм 287се ир-малай. Өч бәхетле әти-әнинең игезәк балалары туган. Үткән ел малайларга Самир, Тимур, Рамазан, Раян, Әмир, Кәрим, Кирилл, Даниил, ә кызларга Ралина, Мәрьям, Ясминә, Азалия, Сәйдә, Әминә, Нәргизә, Зәйнәп, Карина исемнәре еш кушылган. Ә Ризат, Даян, Идрис, Зиннәт, Петр, Илья, Осман, Айшат, Җәннәт, Ундина, Сабина, Селина, Таисия, Илария кебек исемнәр сирәк кулланылган.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10