ҺАВА ТОРЫШЫ +4 oC

Яңалыклар

барлык хәбәрләр Татарстан Россия

Фән һәм мәгариф

Имтихан нәтиҗәләрен арттырып күрсәтүче мәктәпләрнең исемлеген бастырып чыгарачаклар

9 гыйнвар 2018, 13:49 , Фото: архив/Ильнар Тухбатов

Имтихан нәтиҗәләрен арттырып күрсәтүче мәктәпләрнең исемлеген бастырып чыгарачаклар "2018 елда объективлыкка бәйле вәзгыять яхшырмаган мәктәпләрне атаячакбыз», - ди Мәгариф һәм фән өлкәсендә күзәтчелек федераль хезмәте вәкиле.

(Казан, 9 гыйнвар, «Татар-информ»). Мәгариф һәм фән өлкәсендә күзәтчелек федераль хезмәте Бөтенроссия тикшерү эшләренең күрсәткечләрен арттырып күрсәтүче мәктәпләрнең исемлеген бастырып чыгарырга ниятли, дип белдерде ведомство башлыгы Сергей Кравцов «Российская газета»да басылган әңгәмәсендә.

«2017 елда без төбәкләргә мәктәпләр тарафыннан Бөтенроссия тикшерү эшләрен үткәрүнең объективлыгына ясалган анализ нәтиҗәләрен җибәрдек. Безнең мәгълүматларда кимчелекле урыннар һәм кайсы юнәлештә эшләргә кирәклеге ачык күренә. 2018 елда объективлыкка бәйле вәзгыять яхшырмаган мәктәпләрне атаячакбыз», - диде С.Кравцов.

Ул шулай ук «югары мәктәптә белем бирүнең сыйфатын тикшерү дәвам итүе» хакында әйтте.

«Рейтинглар вузлардагы хәлләрне күзалларга ярдәм итсә дә, алар формаль, тышкы күрсәткечләргә генә таяна. Минемчә, студентларны әзерләүнең сыйфатына игътибар итәргә кирәк», - дип искәртте С.Кравцов. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10