ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Хәвеф-хәтәр

Бөгелмә кешесенең янгында 60 процент тәне пешкән

7 гыйнвар 2018, 15:29

Янгынның беренчел сәбәпләре – ут белән саксыз эш итү.

(Казан, 7 гыйнвар, “Татар-информ”). Бөгелмә кешесенең янгында 60 процент тәне пешкән. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтеннән хәбәр иттеләр.

Кичә 22 сәгать 13 минутта Бөгелмә районы ашыгыч хезмәтләрне чакырту 112 бердәм номерына Совет урамындагы биш катлы кирпеч йортта икенче каттагы фатир януы турында хәбәр керә.

Ике бүлмәле фатирда әйберләр һәм идән янган. Гадәттән тыш хәлләр министрлыгы хезмәткәрләре янгынга таралырга юл куймаган. Янгын аркасында, 29 яшьлек ир-атның 60 процент тәне пешкән. Ул хастаханәгә озатылган.

Янгынның беренчел сәбәпләре – ут белән саксыз эш итү.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10