ҺАВА ТОРЫШЫ -7 oC

Яңалыклар

барлык хәбәрләр Татарстан Россия

Дин

«Гаилә» мәчетендә ислам нигезләре курслары укытучылары өчен ачык семинар узачак

26 декабрь 2017, 11:57

Семинарны Татарстанның баш казые Җәлил хәзрәт Фазлыев үткәрә.

(Казан, 26 декабрь, «Татар-информ», Алия Җамалиева). Казанның «Гаилә» мәчетендә ислам нигезләре курслары укытучылары өчен ачык семинар узачак. Чара 27 декабрьдә үтә, дип хәбәр иттеләр «Татар-информ» агентлыгына мәчеттән.

Семинарны Татарстанның баш казые Җәлил хәзрәт Фазлыев үткәрә. Ул әхлак темасын кузгатып, «Гаилә» мәчете генә түгел, башка мөселман гыйбадәтханәләре каршында эшләп килгән курсларның укытучылары, шулай ук аларның укучыларының сорауларына җавап бирәчәк.

«Кешеләр дини белем алырга тели. Бүген республикадагы барлык мәчетләрдә дә мондый мөмкинлек бар», – дип искәртте мәчетнең имам-хатыйбы Рөстәм хәзрәт Хәйруллин. Быел әлеге курсларда берничә йөз кеше белемен арттырды, казанлылар арасында алар бик тә популяр, диде ул.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10