ҺАВА ТОРЫШЫ +23 oC

Яңалыклар

барлык хәбәрләр Татарстан Россия

Спорт

"Динамо-Казан" командасы Россия кубогының финалына чыкты

23 декабрь 2017, 21:39 , Фото: Ильнар Тухбатов

Ришат Гыйләҗетдинов шәкертләре хәлиткеч уенны "Енисей" командасына каршы уздыра.

(Казан, 23 декабрь, “Татар-информ”, Фәрит Салихов). “Динамо-Казан” хатын-кызлар волейбол командасы Саратов өлкәсенең “Протон” волейболчыларын отып, Россия кубогының финалына чыкты.

Казанда уза торган “Дүртлек финалы”ның ярымфиналында Ришат Гыйләҗетдинов шәкертләре 3-0 (25:11, 25:14, 25:13) исәбе белән зур өстенлеккә иреште.

Финалда Казан кызлары “Уралочка-НТМК” клубыннан өстен чыккан Красноярскиның “Енисей” командасы белән көч сынашачак.

Финал иртәгә – 24 декабрьдә 16.30 сәгатьтә башлана.

Исегезгә төшерәбез, 23-24 декабрьдә Казанда хатын-кыз командалар арасында Россия кубогының “Дүртлек финалы” уза.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10