ҺАВА ТОРЫШЫ +30 oC

Яңалыклар

барлык хәбәрләр Татарстан Россия
МӨҺим
Казанда «Зөләйха күзләрен ача» романы буенча фильмны көзен төшерә башлыйлар
Россиядә ярты айда илле мең чамасы электрон ветеринария сертификаты тутырылган
Синоптиклар Татарстанда яшенле яңгыр турында кисәтә
Р.Миңнеханов "Шәһәр моһите" проектының мөһим иҗтимагый-сәяси бурычларны хәл итүен әйтте
Татарстан һәм Башкортстан дини оешмалары хезмәттәшлеген ныгыту мәсьәләсе каралды

Икътисад

Россия Транспорт министрлыгы Мисыр белән авиаочышны яңарту проектын әзерләргә планлаштыра

16 декабрь 2017, 15:31

Россия Транспорт министрлыгы Мисыр белән авиаочышны яңарту проектын әзерләргә планлаштыра Россия авиабелгечләренә Хургада һәм Шарм-эш-Шейх аэроопртларында өстәмә тикшерүләр үткәрергә туры киләчәк, дип белдерде транспорт министры.

(Казан, 16 декабрь, «Татар-информ»). Россия Транспорт министрлыгы ел ахырына кадәр Мисыр белән авиаочышны яңарту турындагы президент указы проектын Хөкүмәткә юлларга планлаштыра. Бу хакта журналистларга транспорт министры Максим Соколов хәбәр итте, дип яза ТАСС.

Аның сүзләренчә, Россия авиабелгечләренә Хургада һәм Шарм-эш-Шейх аэропортларында өстәмә тикшерүләр үткәрергә туры киләчәк.

15 декабрьдә Россия белән Мисыр гражданнар авиациясенең куркынычсызлыгын тәэмин итү өлкәсендә хезмәттәшлек турында беркетмә имзаладылар. Беркетмә 30 көннән вакытлыча кулланыла башлаячак, аңа нигезләнеп, Мисыр белән даими авиаочышны яңарту турында карар кабул ителәчәк.

Авиаочышны яңарту Россия Президенты тиешле боерыкны имзалагач кына мөмкин булачак.

Каир белән даими авиаочыш 2018 елның февралендә ачылырга мөмкин. Әмма әлегә Мисырның Шарм-эш-Шейх һәм Хургада курортларына чартер рейслары турында сүз бармый, дип ачыклык кертте министр.

Россия Мисыр белән авиаочышны 2015 елның көзендә Синай ярымутравы өстендә Россия авиакомпниясе самолеты һәлакәткә очраганнан соң туктаткан иде.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10